აქ ჩემთვის წარმოუდგენელი გარემო დამხვდა. ყველა ერთმანეთს იცნობდა და ერთმანეთზე ზრუნავდა. ამ ფაქტმა გამაკვირვა, მომხიბლა და მომანდომა მისი ნაწილი გავმხდარიყავი. გარდა ამისა, უფრო მეტად გამიმარტივა ახალ გარემოში ადაპტაცია. ჩაკეტილი, თავმდაბალი და ეჭვებით აღსავსე ბავშვი ვიყავი. კანდიდში გატარებულმა წლებმა კი საკუთარი თავის რწმენა გამიჩინა და მივხვდი, რომ ყველა ბავშვი ინდივიდუალური, გონიერი და პერსპექტიულია, მათ შორის მეც ვარ.

სკოლაში უამრავი შემოქმედებითი პროექტი განვახორციელეთ, რამაც მიმახვედრა, რომ ჩემი მომავლის პროფესია არქიტექტურა იყო. რომ არა კანდიდი, ალბათ მეტ დროს დავკარგავდი საკუთარი თავის ძიებაში.

ყველა ფიქრობს, რომ სკოლის დამთავრების შემდეგ მეგობრები და მოგონებები იქვე რჩება, მაგრამ კანდიდი გამონაკლისია. დღემდე ჩემი გარემოცვის დიდი ნაწილი კანდიდელებისგან შედგება. ეს კი, სწორედ ამ სკოლის კოლექტივის დამსახურებაა, რომელიც ერთიანად ჯანსაღ გარემოს ქმნის. ყოველთვის ვამაყობ და ვიამაყებ "კანდიდელის" სტატუსით." ❤️