გარდა წრფივი და კვადრატული ფუნქციებისა, ლიტერატურისა და to be ზმნისა (რომლებიც, სხვათაშორის, ძალიან მადგება უნივერსიტეტში), სკოლაში ვისწავლე კომუნიკაცია, პატივისცემა და ურთიერთგაგება, რაც აუცილებელია ჩემი პიროვნული განვითარებისთვის✅
ამ ყველაფერზე კონცენტრაციაში მეხმარებოდა მეგობრული და უსაფრთხო აურა, ამ აურას კი ქმნიდნენ მასწავლებლები და დირექცია. მათი მხარდაჭერით მსუბუქდებოდა ის ბუნებრივი სტრესი, რომელიც სწავლასა და მეცადინეობას მოყვება🥰
ბევრისთვის გასაკვირია სკოლის პერსონალთან ისეთი უშუალო ურთიერთობა, როგორიც კანდიდში გვქონდა და დღემდე გვაქვს მოსწავლეებს. ნდობა და სიყვარული, რომელიც ამდენი წლის განმავლობაში იგრძნობოდა მათგან, მიძლიერებდა საკუთარი თავის რწმენას და უფრო თავდაჯერებულს მხდიდა❣
რა თქმა უნდა, ამ გარემოში კლასელებთან/სკოლელებთან დაუვიწყარი დღეების გატარება, მათთან ჯანსაღი კონკურენცია, ურთიერთობა და უმნიშვნელოვანესი მეგობრების შეძენა მარტივი იყო. მათ შექმნეს მოგონებები, რომლებსაც ყოველთვის სიამოვნებით ვიხსენებ💚
მოკლედ, მადლობის მეტი არაფერი მეთქმის. მადლობა კანდიდს (მასწავლებლებს, მოსწავლეებს, დირექციას), რომ მომამზადა მომავალი გამოწვევებისათვის, შემძინა საჭირო უნარ-ჩვევები მათ დასაძლევად და შემახვედრა ადამიანებს, რომელთა დახმარების იმედიც მუდამ მექნება ამ გამოწვევებთან გამკლავებისას🤗
ანა ალავიძე