ტელ: 593221132
skolakandidi@gmail.com

გამოქვეყნებულია 6-05-2019, 10:16
6 მაისს 1 გ კლასის ( დამრ. ე. ჯანეზაშვილი) და 2გ კლასის ( დამრ. მ. კახაია) მოსწავლეები დამრიგებლებთან ერთად ეწვივნენ დედაენის ძეგლს. ძეგლი ამავე სახელწოდების პარკში, მტკვრის მარჯვენა სანაპიროზე მდებარე “მშრალ ხიდთან” დგას. მასზე გამოსახულია ცოდნის წყურვილით ზეცისკენ ხელებაპყრობილი ყმაწვილი, რომელიც ეს ესაა ზარს შემოკრავს.

გამოქვეყნებულია 3-05-2019, 11:27
3 მაისს სკოლა "კანდიდის" 4 ა კლასი (დამრიგებელი - ეკატერინე ხმალაძე ) იმყოფებოდა სტუმრად ილია ჭავჭავაძის საგურამოს სახელმწიფო მუზეუმში. ბავშვებმა დაათვალიერეს ცნობილი მწერლისა და საზოგადო მოღვაწის საცხოვრებელი სახლი, ეზო, მწერლის მემორიალური ნივთები, XIX ს-ის ქართული კულტურის წარმომადგენელთა ფოტოპორტრეტები და XIX ს-ის ყოფის ამსახველი ფოტომასალები, კერძოდ: მწერლის ხელნაწერები, მისივე გამოცემული პერიოდიკის ნამუშევრები ("ივერია", "საქართველოს მოამბე" და სხვ).
ბავშვები დიდი ინტერესით ათვალიერებდნენ თითოეულ ნივთს და საბოლოოდ ამ ვიზიტით ყველა კმაყოფილი დარჩა, პატარებს ეს ამაღლებული განწყობა დიდხანს გაყვებათ.

გამოქვეყნებულია 22-04-2019, 15:18
ჩვენი სკოლის მოსწავლეთა გუნდმა, 14 აპრილს, მონაწილეობა მიიღო, ეროვნული საგუნდო მუსიკის V რესპუბლიკურ კონკურსში, რომელიც დაფუძნებულია და ორგანიზებული საგუნდო საზოგადოების მიერ. წელს ტარდება მოსწავლე–ახალგაზრდობის V ეროვნული კონკურსი, რომელიც ითვალისწინებს ორ ტურს, თითოეული ტურის მონაწილეთა საშემსრულებლო უნარ–ჩვევებს აფასებს მაღალი კვალიფიკაციისა და პროფესიონალიზმის მქონე კომპეტენტური ჟიური. საინტერესოა ის ფაქტიც, რომ მე–2 ტურში ჟიურის შემადგენლობაში მოწვეულნი არიან ევროპაში ცნობილი საგუნდო მუსიკის პროფესიონალები.

გამოქვეყნებულია 19-04-2019, 12:23
19 აპრილს, ჩვენი სკოლის II ბ კლასმა (კლასის ხელმძღვანელი - ნინო ჩადუნელი) მოაწყო სასწავლო ვიზიტი საგურამოში, ზედაზენის ქარხანაში. ადგილზე მისულ ბავშვებს დახვდა ქარხნის წარმომადგენელი, რომელმაც გაუწია გიდობა.
მოსწავლეებ გაეცნენ თანამედროვე ტექნოლოგიებს, გაიგეს თუ როგორ მზადდება, ისხმევა და ეტიკეტირდება ყველასათვის საყვარელი ლიმონათები და წვენები.
დაათვალიერეს ქარხანა, სხვადასხვა დანიშნულების ოთახები, გადაიღეს სამახსოვრო ფოტოები და მიიღეს საჩუქრები.

გამოქვეყნებულია 19-04-2019, 10:59
19 აპრილს, ამჯერად ჩვენი სკოლის 2 გ კლასის მოსწავლეები (დამრ. მ. კახაია) ეწვივნენ მარილის ოთახს, გაეცნენ გაჯანსაღების, პროფილაქტიკის, მკურნალობის, რეაბილიტაციის უნიკალურ მეთოდს-ჰალოთერაპიას. ეს არის მარილის მშრალი აეროზოლით მკურნალობა, რომელიც გამოიყენება მრავალი დაავადების მკურნალობის დროს. ბავშვებმა თავადაც ჩაიტარეს პროცედურა და გამოთქვეს სურვილი, რომ უახლოეს მომავალში კვლავ ესტუმრონ მარილის ოთახს.

გამოქვეყნებულია 15-04-2019, 13:08
2019 წლის 8 აპრილს სკოლა „კანდიდის“ IX ა კლასის მოსწავლეებმა ბიოლოგიის მასწავლებელთან და კლასის დამრიგებელთან ერთად, ჩაატარეს საგანმანათლებლო და შემეცნებითი ექსკურსია. მოინახულეს კახა ბენდუქიძის კამპუსის მუზეუმი რომელიც აერთიანებს საბუნებისმტეყველო დარგების კოლექციებს: დენდროლოგია, ენტომოლოგია, ნიადაგმცოდნეობა და მინეარლოგია, ზოოლოგია, მეაბრეშუმება, პათანატომია და მიკროორგანიზმები.

გამოქვეყნებულია 15-04-2019, 11:03
2019 წლის 2 აპრილს, სკოლა „კანდიდის“ II ა კლასი გასვლითი ღონისძიებით იმყოფებოდა შპს „ქართული შოკოლადის“ კაფე-მუზეუმში, რომელიც მდებარეობს თავისუფლების მოედანზე, ივანე მაჩაბელის 17 ნომერში.

გამოქვეყნებულია 12-04-2019, 21:26
12 აპრილს, I გ კლასის მოსწავლეები (დამრ. ეთი ჯანეზაშვილი) ესტუმრნენ ჰალოთერაპიის ცენტრს „Gimmy’s Cave“–ს (მარილის ოთახი), სადაც მარილი ჰიმალაის მთების მაღაროებიდანაა ჩამოტანილი და კურნავს უამრავ დაავადებას.
ბავშვებს ჩაუტარდათ ჰალოთერაპიის 2 პროცედურა. აღნიშნული პროცედურა, რაღათქმაუნდა იყო უმტკივნეულო და ბავშვებისთვის მეტად სასიამოვნო.
უნდა აღინიშნოს, რომ პროცედურა მეტად სასარგებლოა პატარებისთვის, რადგან ხელს უწყობს იმუნიტეტის ამაღლებას.

გამოქვეყნებულია 6-04-2019, 11:35
მარტის თვის განმავლობაში, ჩვენი სკოლის მოსწავლეები (VIII ა, I გ, VI გ , IV ა) "სადამრიგებლო აქტივობის" ფარგლებში, იმყოფებოდნენ „ილუზიების მუზეუმში“.

გამოქვეყნებულია 4-04-2019, 16:07
28 მარტს მოსწავლეები, (III ა, III ბ და III გ კლასი) იმყოფებოდნენ, თბილისის სახალისო მეცნიერებათა მუზეუმ ,,ექსპერიმენტორიუმში“. სადაც დაათვალიერეს უამრავი ინტერაქტიული ექსპონატი. მათ ასევე მიეცათ საშუალება, ექსპერიმენტები უშუალოდ გამოეცადათ, რაც მათთვის განსაკუთრებით საინტერესო აღმოჩნდა.


kandidi
გამოკითხვა
მოგწონთ ვებ-გვერდის დიზაინი?
კი
არა

 
ბმულები
არქივი
მაისი 2019 (2)
აპრილი 2019 (25)
მარტი 2019 (6)
თებერვალი 2019 (8)
იანვარი 2019 (2)
დეკემბერი 2018 (20)