ტელ: 593221132
skolakandidi@gmail.com
გამოქვეყნებულია 11-12-2018, 10:29
თვითმართველობის ინიციატივით, 10 დეკემბერს სკოლაში "პესონაჟის დღე" გაიმართა. მოსწავლეებმა საყვარელი ლიტერატურული გმირებისა და მსახიობების კოსტუმები მოირგეს.
აქტივობა საკმაოდ ემოციური და სანახაობრივი გამოდგა. :)
გამოქვეყნებულია 10-12-2018, 19:10
მოსწავლეთა თვითმართველობის ინიციატივით სკოლაში „ხელოვნების კლუბი“ დაარსდა. კლუბის მიზანია ლიტერატურული, შემოქმედებითი და მხატრული მიმართულებით მოსწავლეთა ცნობიერების ამაღლება, გლობალური და პლურალისტური აზროვნების განვითარება და სრულყობა. 8 დეკემბერს კლუბის პირველი შეხვედრა გაიმართა, რომელშიც ჩართული იყვნენ ხელოვნების, მუსიკისა და ქართული ენის პედაგოგები. შეხვედრაზე წარმოდგენილი იყო პრეზენტაცია არტ–ფაქტების, წყაროების განხილვითა და ანალიზით. „ხელოვნების კლუბის“ პირველი შეხვედრა მოსწავლეებისთვის მეტად საინტერესო და შემეცნებითი აღმოჩნდა.
გამოქვეყნებულია 10-12-2018, 18:12
მოსწავლეთა თვითმართველობის ინიციატივით სკოლაში „კინოკლუბი“ დაარსდა, რომელიც სხვდასხვა საფეხურის და ასაკის მოსწავლეებისგან დაკომპლექტდა. დღეის მდგომარეობით უკვე 2 შეხვედრა შედგა, ნაჩვენები იყო შემდეგი ფილმები: „მკვდარი პოეტების საზოგადოება“ და "გენიოსი ვილ ჰანტინგი“, რასაც აქტიური მსჯელობა და დისკუსია მოჰყვა. კინოკლუბის იდეამ და შემდგომმა განვითარებამ მოსწავლეეებში მაღალი ინტერესი გამოიწვა.
გამოქვეყნებულია 6-12-2018, 12:47
კანდიდი - რამდენს იტევს ეს პატარა სიტყვა, პატარა სახლი დიდი ოჯახით, მაგრამ ულევი სიყვარულითა და სითბოთი. ეს არის ადგილი, სადაც ყოველთვის ბედნიერი ხარ, შესაძლებლობა, რომელიც ყოველთვის გეხმარება წინსვლაში, ოჯახი, რომელიც მუდამ შენს გვერდითაა. იგი არასდროსაა მხოლოდ სკოლა იგი ბევრად მეტია. განათლების გარდა, აქ ვითარდები შემოქმედებითად, იძენ საუკეთესო პიროვნულ თვისებებს და არაჩვეულებრივ მეგობრებს.
მიყვარს, როდესაც სამეგობრო წრეში სკოლაზე ჩამოვარდება საუბარი, ყველაზე ამაყი ვხდები მაშინ და უსასრულოდ შემიძლია ვილაპარაკო ჩემს კანდიდზე.
კანდიდი რომ არა, მე ვერ ვიქნებოდი ის, ვინც დღეს ვარ, ვერ მექნებოდა ისეთი ენთუზიაზმი და მოტივაცია, როგორიც დღეს კანდიდის წყალობით მაქვს. სკოლა ძალიან ბევრ მოგონებებს იტევს, მაგრამ მოგონებები კანდიდზე ყოველთვის ღიმილის მომგვრელია. კანდიდით დავიწყე და დავამთავრე ჩემი ბავშვობის საუკეთესო წლები.
ყველა ბავშვს ვუსურვებ ისე უყვარდეთ თავისი სკოლა, როგორც მე მიყვარს ჩემი კანდიდი. ძალიან გამიმართლა კანდიდელი რომ მქვია, რადგან აქ არასდროს ავიწყდებათ ერთმანეთი და წლების შემდეგაც კი სიხარულით გეგებებიან. არ მინახავს სხვა სკოლა, რომელსაც კანდიდს შევადარებდი. მე ყოველთვის სიამაყითა და დარწმუნებით შემიძლია ვთქვა, რომ კანდიდი საუკეთესოა!
გამოქვეყნებულია 6-12-2018, 12:30
მე კანდიდელი ვარ! იმ პატარა და თბილი ოჯახის წევრი, რომელსაც კანდიდი ჰქვია. აქ გავიზარდე, ჩამოვყალიბდი პიროვნებად, ვისწავლე პრობლემის გადაჭრის მარტივი და სწრაფი გზები და რაც მთავარია, მივიღე განათლება, რომელიც ნებისმიერი ადამიანისთვის მნიშვნელოვანია. ამბობენ, სკოლა ის ადგილია,სადაც ცხოვრების საუკეთესო მომენტებს აგროვებ და თვალისჩინივით უფრთხილდები,რათა მეხსიერებიდან არასდროს ამოიშალოს და გახსენებისას ღიმილი მოგგვაროსო. მეთერთმეტე კლასში,როდესაც აბიტურიენტობას მივუკაკუნე, მივხვდი,რომ სკოლის წლების შეგრძნება თითქოს სასიცოცხლოდ მნიშვნელოვანია, მითუმეტეს თუ ჩემსავით ნოსტალგიური ადამიანი ხარ. სწორედ კანდიდი მეხმარებოდა ამ ყველაფერში, თუნდაც გასვლითი ღონისძიებებით, კარნავალითა და უამრავი საინტერესო დღით, რომელსაც მე აქ, კანდიდში ვატარებდი. ვიცი, რომ სკოლაში მისვლისას ისევ ისეთი სითბო და სიყვარული დამხვდება,როგორიც დავტოვე და ვიცი, რომ მე დღესაც კანდიდელი ვარ! ეს ყოველთვის ასე იქნება. როგორც მაია მასწი იტყოდა -" ყოფილი კანდიდელი არ არსებობს.“ დიახ, მთავარია ერთხელ შეაბიჯო ამ სივრცეში და შენ ეს სტატუსი ცხოვრების ბოლომდე გაგყვება!
გამოქვეყნებულია 6-12-2018, 12:26
სენტიმენტალურობა არ მჩვევია არასდროს,თუმცა ახლა,ამ სიტყვების წერისას,ვგრძნობ, რომ მიჭირს ცრემლების შეკავება.ერთად იყრის თავს უამრავი ემოცია,რისი მიზეზიც ჩემი "კანდიდია", იგი ჩვეულებრივი სკოლა არ არის,აქ მხოლოდ საშუალო განათლებას არ გაძლევენ.გერქვას "კანდიდელი" უდიდეს ბედნიერებასთან ერთად დიდი პრივილეგიაცაა,რადგან გაქვს შესაძლებლობა გახდე დიდი ოჯახის ერთ-ერთი წარმომადგენელი. ჩემთვის "კანდიდი" ტკბილი სახლია, სადაც მუდამ მეგულებიან უძვირფასესი და უთბილესი ადამიანები.აქ გატარებული 12 წელიწადი ჩემი ცხოვრების უმნიშვნელოვანესი ეტაპია."კანდიდი" ჩემთვის სკოლის ეტალონია,იმიტომ არა რომ ჩემია,უბრალოდ აქ გაძლევენ უდიდეს შესაძლებლობებს,რათა გახდე ღირსეული და სრულფასოვანი პიროვნება.რა მომცა ჩემმა სკოლამ? რა თქმა უნდა, ცოდნის მაღალი ხარისხის გარდა,საკუთარი თავის რწმენა, მიზანდასახულობა, კანდიდის დიდმა ოჯახმა მასწავლა როგორ წარმოვაჩინო უკეთსად საკუთარი თავი და მივაღწიო დასახულ მიზნებს ნებისმიერ სიტუაციაში მოკლედ,"კანდიდი" არის ურთიერთობა!ამ სკოლის კედლებში გატარებული თითოეული დღე კი უძვირფასესია ყველა კანდიდელისთვის.
გამოქვეყნებულია 5-12-2018, 15:39
ხშირად ამბობენ, ყველაფერს მაშინ უფრო მეტად აფასებ, როდესაც უკვე მასთან აღარ ხარო. არასდროს მჯეროდა ამ სიტყვების, მაგრამ ჩემი ”კანდიდისგან” შორს ყოფნამ უკეთ გამააზრებინა, თუ რას წარმოადგენს ეს პატარა, თბილი და შეუფასებელი ადგილი ჩემთვის. როდესაც ”კანდიდის” კედლებში ვატარებდი ჩემი ყოველდღიურობის უდიდეს ნაწილს ვგრძნობდი, რომ ეს ადგილი ჩემთვის სკოლაზე მეტი იყო. დიახ, ”კანდიდს” თამამად ვუწოდებ ჩემს ოჯახს. იმ ოჯახს, რომელმაც საუკეთესო განათლების მოცემასთან ერთად, პიროვნებად ჩამომაყალიბა. მასწავლა რას ნიშნავს იყო ღირსეული პიროვნება, რა გჭირდება მომავლის საშენებლად ,იგი 12 წლის განმავლობაში ყოველდღე სათითაო აგურს მაწვდიდა. დიახ, სწორედ ”კანდიდმა” მომცა საშენი მასალა ჩემი მომავლის შესაქმნელად და მანვე მასწავლა შენებაც. ახლა კი ჯერი ჩემზეა და მე ყველაფერს გავაკეთებ რომ ”კანდიდმა” იამაყოს ჩემით. ალბათ უცნაურად ჟღერს, როდესაც ”კანდიდს” ისე მოვიხსენიებ , როგორც სულიერ არსებას. იცით რა დგას ამ სახელის უკან? ამ სიტყვაში იმალება პატარა შენობა, რომელშიც საყვარელი ადამიანები მუდამ გულით გელიან. ”კანდიდს” ქმნიან მასწავლებლები, რომლებიც ყველაფერს აკეთებენ, რათა საუკეთესო განათლება მოგვცენ, მოსწავლეები, რომელთაც სკოლაში მისვლა აბედნიერებთ იქ არსებული მოსიყვარულე გარემოს გამო, და, რა თქმა უნდა, დირექცია, რომელიც მუდამ შენს გვერდით დგას, იზიარებს შენს სიხარულს და გეხმარება პრობლემების დაძლევაში. კანდიდი ჩემთვის ენით აღუწერელია. დასაწყისში კი ვთქვი, რომ განშორებამ უფრო დამაფასებინა ჩემი სკოლა, თუმცა მინდა იცოდეთ რომ რამდენი ხანიც არ უნდა გავიდეს, მე მუდამ კანდიდელი ვიქნები და ყოველთვის ვიამაყებ ამით!
გამოქვეყნებულია 4-12-2018, 11:55
სკოლა „კანდიდი“ VII და VIII კლასის მოსწავლეებს ინტელექტუალური კონკურსის „ტვინების ბრძოლის“ მეორე რეგიონალურ ტურში გამარჯვებას ულოცავს! ინტელექტუალური კონკურსის მეორე ეტაპზე წარმოდგენილი სკოლებიდან, გლდანი– ნაძალადევის რაიონში გამარჯვებული 13 გუნდიდან, 3 კანდიდელია!
სკოლის ადმინისტრაცია კიდევ ერთხელ ულოცავს გამარჯვებულ გუნდებს და კიდევ უფრო დიდ წარმატებას უსურვებს მომდევნო საერთაშორისო ეტაპზე!

რეგიონალურ ეტაპზე გამარჯვებულ გუნდებს შორის არიან VII და VIII კლასები, გუნდი „გიკები“, გუნდი „ევერესტი“ და გუნდი „ბერმუდის სამკუთხედი“.

#გააზიარეწარმატება!
#ჩვენ გვიყვარს კანდიდი!
kandidi
გამოკითხვა
მოგწონთ ვებ-გვერდის დიზაინი?
კი
არა

 
ბმულები
არქივი
დეკემბერი 2018 (8)
ნოემბერი 2018 (10)
ოქტომბერი 2018 (6)
სექტემბერი 2018 (3)
აგვისტო 2018 (2)
ივლისი 2018 (3)