ტელ: 593221132
skolakandidi@gmail.com
გამოქვეყნებულია 31-01-2022, 10:06
კურსდამთავრებულების 🎓
ჩანაწერებიდან📝
პატარაობაში, როდესაც თეთრ პერანგებში გამოწყობილ, მომცინარ-მომტირალ სახეებს ტაშს ვუკრავდი და დიდი ოვაციებით ვაცილებდი “კანდიდის” თბილი კერიდან, ხშირად მიფიქრია მეც მომიწევდა სკოლასთან გამომშვიდობება, ცხოვრების ახალ ეტაპზე გადასვლა და მის ჯადოსნურ ქარცეცხლში აქტიური ჩართვა.
თუმცა 12 საუკეთესო წლის შემდეგ დავასკვენი, რომ კანდიდელები სკოლას მხოლოდ ფორმალურად ვამთავრებთ , რადგან ვიცით, რომ იქ, სადღაც მეშვიდე მიკროში, თეთრი ტბის მოპირდაპირე მხარეს, დიდი გულით და მომცინარი სახით გველოდება ჩვენი იდეალური, ბედნიერი მომენტებით დახუნძლული ბავშვობა და მისი შემქმნელი საუკეთესო კოლექტივი🥰
რა მომცა სკოლა კანდიდმა? პასუხი ძალიან მარტივია, მასწავლა ცხოვრება.
დამანახა მისი სწორი და არასწორი მხარე, გამიადვილა ადამიანებთან კომუნიკაცია და მომცა საშუალება დავკავშირებოდი ცხოვრების განუყოფელ მეგზურებს, რომელთა გარეშე არ და ვერ წარმომიდგენია ჩემი გააზრებული ცხოვრება❣
კანდიდმა განავითარა ჩემში არა მხოლოდ პროფესიული, არამედ ჰუმანური მხარე.
მომცა საშუალება გამომევლინა ფარულად მოთარეშე ნიჭი და ბოლოს, რაც ყველაზე მთავარია, მასწავლა საკუთარი აზრის სწორად, ხმამაღლა გამოთქმა.
სკოლა კანდიდი სიყვარულისა და სითბოს იმ დიდ ნაპერწკალს გვიღვივებს, რომელიც მთელი ცხოვრება გვყოფნის, რომ ვარსკვლავებივით ვიკაშკაშოთ და არასდროს დავივიწყოთ საოცარი ემოციებითა და გულწრფელობით დახუნძლული სკოლის პერიოდი⭐
მადლობა საუკეთესო ბავშვობისა და ნათელი მომავლის შექმნისათვის. თქვენგან მიღებული განათლება და გამოცდილება ის გასაღებია, რომელიც ყველა ცხოვრებისეულ კარს აღებს, არ გვაძლევს უკან დახევის საშუალებას და მუდმივად გვახსენებს, რომ საკუთარი ოცნებებისა და მიზნებისთვის ბრძოლა ყოველთვის ღირს❣
ლიკა კვიჟინაძე
გამოქვეყნებულია 28-01-2022, 10:03
კურსდამთავრებულების 🎓
ჩანაწერებიდან📝
თუ კანდიდის დიდი და მეგობრული ოჯახის წევრი ხართ ან თუნდაც, მის აქტიურ სოციალურ გვერდებს თვალყურს ადევნებთ, არ გამოგრჩებოდათ, რომ ყველა კურსდამთავრებული სხვადასხვა ემოციურ წერილს უძღვნის კანდიდს, რომელთა მთავარი აზრი არის ის, რომ კანდიდი უბრალოდ სასწავლო დაწესებულება არ არის, და რომ ის ბევრად მეტია, ოჯახია…🙏
“კანდიდის ოჯახი” ყველანაირად აკმაყოფილებს “ოჯახის” ცნებასა და მასში შემავალ კომპონენტებს. პირველ რიგში აღსანიშნავია - დირექცია. როგორი აკადემიური სიტყვაა, თუმცა კანდიდში ამ სიტყვასაც სხვანაირი ელფერი დაკრავს და მის მიღმა სულაც არ იგულისხმებიან უმეტესობისათვის შიშის ზარის დამცემი კოლეგია… პირიქით, სწორედ დირექცია არის კანდიდის მეგობრული გარემოს, ოჯახის საწყისი რგოლი, სწორედ ისინი თავიანთი დაუღალავი, პროფესიული შრომით, უდიდესი ადამიანურობით აფერადებენ გარემოს და სწორ მოტივებსა და პრინციპებს უნერგავენ ამ დიდი ოჯახის თითოეულ წევრს…🎯
უდიდეს პატივისცემასა და დაფასებას, აღიარებას და მოფრთხილებას იმსახურებენ კანდიდის მასწავლებლები, რომელთა გარეშეც ეს თბილი ოჯახი ასეთი არ იქნებოდა, არც აქაური ბავშვები ვიქნებოდით ისეთები, როგორებიც დღეს ვართ…🎓
პროფესიონალიზმითა და გამორჩეული ადამიანური თვისებებით “დატვირთული” მასწავლებლები და დირექცია ქმნიან ისეთ მეგობრულ, სწავლისთვის მამოტივირებულ, თბილ, პოზიტიურ, ინოვაციებისა და წამოწყებებისთვის მუდმივად ღია გარემოს, რომელსაც კანდიდი ჰქვია. 🥰
ოჯახის თითოეული წევრი სცდება სავალდებულო აკადემიურ ჩარჩოებს და დიდი ინტერესით, სრული ენთუზიაზმით არიან ჩართულნი და გეხმარებიან იმ სირთულეების გადალახვაში და გაცნობაში, რაც ცხოვრების საინტერესო გზაზე შეიძლება შეგხვდეთ. ასეთ გარემოში ჩამოყალიბებული ბავშვები, რა თქმა უნდა, ერთმანეთის მიმართ ისეთი დამოკიდებულებით გამოირჩევიან, როგორც ნამდვილი ოჯახის წევრები… ურთიერთობები მყარი, სანდო, მეტად ახლო, თბილი და განმავითარებელია, რაც ცხოვრების უმნიშვნელოვანეს 12 წელს სხვანაირ ხიბლს, ემოციებს, დატვირთვასა და ხალისს მატებს...💯
სკოლისთან განშორება თითქმის ყველა კურსდამთავრებულს უჭირს, თუმცა კანდიდი არც ამით ჰგავს სხვებს… ჩვენს საყვარელ დირექტორ მაიკოსგან ხშირად მოისმენთ სიტყვებს: “მშვიდობით არა - ნახვამდის”, რაც სრულყოფილად აღწერს კანდიდს, როგორც ურთიერთობას, ოჯახს, ემოციებს…❣
და მართლაც, ცხოვრების ახალ, ერთი შეხედვით რთულ, საინტერესო, გამოწვევებით, თავგადასავლებით სავსე ეტაპზე გადასულს, მაქვს იმედი, რომ ნებისმიერ დროს შემეძლება თავი შევაფარო ადგილს, სადაც სწავლაზე არანაკლებ მნიშვნელოვანი პიროვნება და მისი განვითარება, მისთვის სწორი ფასეულობებისა და ღირებულებების შთაგონებაა, ადგილს, სადაც სიტყვა “მშვიდობით” არ უყვართ და ყოველთვის ფართოდ გაშლილი ხელებით გელოდებიან…🤗
მარიამ კალანდარიშვილი
გამოქვეყნებულია 28-01-2022, 09:59
პროექტი-"მშობელთა ჩართულობა სასკოლო ცხოვრებაში" ll-გ კლასში გრძელდება თემით -"ჩვენი ოთხფეხა მეგობრები"🐕🦮🐕‍🦺🐩
დამრიგებელი-ანა ჭონიშვილი❤️
ll - გ კლასს სტუმრობდა ამავე კლასის მოსწავლის, ნიკოლოზ ხუბუკელაშვილის, მშობლები - 👩‍👦თათია ლილუაშვილი და გიორგი ხუბუკელაშვილი👨‍👦
სტუმრებმა მოსწავლეებს მოუყვანეს და გააცნეს მათი ოჯახის ოთხფეხა მეგობარი იაგდტერიერის ჯიშის ლეკვი სახელად - "ლუსი".
ბატონმა გიორგიმ მოსწავლეებს აუხსნა თუ როგორი მეგობრობითა და ერთგულებით გამოირჩევიან ცხოველები, კერძოდ ძაღლები, კატები და რაოდენ მნიშვნელოვანია მათზე ზრუნვა და სიყვარული🐩🐈
გაკვეთილი იყო მრავალფეროვანი და სახალისო.
გაკვეთილის ბოლოს მოსწავლეებმა სტუმრებს გადასცეს "მადლობის სიგელი."📃
დიდი მადლობა ქ-ნ თათიას და ბ-ნ გიორგის საინტერესო გაკვეთილისათვის❤
გამოქვეყნებულია 25-01-2022, 11:43
📖პროექტი ,,მშობელთა ჩართულობა სასკოლო ცხოვრებაში"
ამჯერად II ა კლასს 👩‍🏫(დამრიგებელი-ნინო ფარსმანიშვილი )ესტუმრა ნუცა გრიგალაშვილის მშობელი-მედეა აბესაძე🥰
🎊საახალწლო განწყობის შესაქმნელად ბავშვებს ფერადი ფურცლების გამოყენებით დაამზადებინა ნაძვის ხეები🎄 საჩუქრად კი ნაძვის ხის მოსართავები გადასცა🎁
მადლობა ქ-ნ მედეას საინტერესო და სახალისო გაკვეთილისთვის💞
გამოქვეყნებულია 25-01-2022, 11:01
📣პროექტი ,,მშობელთა ჩართულობა“
სკოლა “კანდიდის“ მე-2ა კლასი
დამრიგებელი ნინო ფარსმანიშვილი👩‍🏫
ჩატარდა გაკვეთილი თემით- ,,ბულინგი" რომელსაც უძღვებოდა გოჩა კაპანაძის მშობელი ქ-ნი თინა გურული💛
გაკვეთილი იყო მეტად საინტერესო, თვალსაჩინოებებითა და აქტივობებით დატვირთული.
ბავშვები დიდი ინტერესით და მონდომებით ჩაერთვნენ პროექტში📖
მადლობა ქ-ონ თინა გურულს, საინტერესო გაკვეთილისთვის❤
#ცხოვრებაბულინგისგარეშე
გამოქვეყნებულია 25-01-2022, 10:45
დაწყებითი საფეხურის კიდევ ერთი საინტერესო აქტივობა-კალიგრაფიის კონკურსი ქართულ ენაში✍️
კონკურსში მონაწილეობა მიიღეს სკოლა "კანდიდის" მე-2 კლასის მოსწავლეებმა👧🧒
მონაწილეებს გადაეცათ სიგელები✔️
პედაგოგები👩‍🏫
ნინო ფარსმანიშვილი💚
ანა ჭონიშვილი💚
ლიკა იზორია💚
გამოქვეყნებულია 16-01-2022, 00:17
კიდევ ერთხელ შეგახსენებთ📣
17 იანვარს სასწავლო პროცესის სკოლის შენობაში გასაახლებლად სკოლა ,,კანდიდი" სრულ მზადყოფნაშია❣
სკოლის ორივე დაწესებულება სრულიად აღჭურვილია შესაბამისი ჰიგიენური საშუალებებით: ხსნარებით, პირბადეებით, თერმოსკრინინგის აპარატებით და დეზობარიერებით✅
შესაბამისი სამსახურის მიერ ჩატარებულია სკოლის ორივე შენობის დეზინფექცია, დერატიზაცია, დეზინსექცია✅
პედაგოგთა და სკოლის ადმინისტრაციის წარმომადგენელთა 99% გატესტილია✅
ძალაში რჩება თანამშრომელთა გეგმიური ტესტირებები, რომელიც კვირაში ერთხელ ჩატარდება✅
მშობლებს კვლავ გეძლევათ შესაძლებლობა, აირჩიოთ დისტანციური სწავლების ფორმა🥰
აქვე თხოვნით მოგმართავთ- პატივცემულო მშობლებო, ნებისმიერი რესპირატორული სიმპტომის გამოვლენისას ნუ გამოუშვებთ მოსწავლეებს სკოლაში❤
დასწრებული სწავლების შემთხვევაში, მოსწავლეები I-XII კლასების ჩათვლით კვლავ ვალდებული იქნებიან ატარონ პირბადე😷
#უსაფრთხოსწავლებაბავშვებს✅
გამოქვეყნებულია 13-01-2022, 00:04
მხატვრული კითხვის კონკურსი📚
დაწყებითი საფეხური მუდამ მრავალფეროვან აქტივობებს გვთავაზობს, ერთ-ერთი ასეთი იყო პედაგოგების ორგანიზებით ჩატარებული მხატვრული კითხვის კონკურსი🎊
📣კონკურსში მონაწილეობას იღებდნენ სკოლა ,,კანდიდის" მე-3, მე-4 კლასების მოსწავლეები🧒👧
📌კონკურსი შედგებოდა ორი ტურისაგან. მეორე ტურში თითოეული კლასიდან გადავიდა ექვსი მოსწავლე, რომლებმაც გაინაწილეს 2 ოქროს, 2 ვერცხლისა და 2 ბრინჯაოს ადგილი🥇🥈🥉
გამოქვეყნებულია 12-01-2022, 23:58
📣კონფერენცია თემაზე👇
,,ახალი წელი საზღვრების გარეშე"🎊
მე-3-4 კლასის მოსწავლეებმა მიიღეს მონაწილეობა ონლაინ კონფერენციაში, რომელიც წარიმართა რუსულ ენაზე, დიანა ნიკოლაევას ხელმძღვანელობით👩‍🏫
"Новый год без границ"🎄
📌თემა - საახალწლო ტრადიციები
📌ორგანიზატორები იყვნენ: ქ.გორის უნივერსიტეტის პროფესორი ქ-ნი, ნათელა ხინჩაგაშვილი და ქ.მოსკოვის მე-19 სკოლის დირექტორი ბ-ნი, სერგეი მუხანოვი🇸🇮
📌კონფერენციაში მონაწილეობა მიიღო მსოფლიოს რამდენიმე ქვეყანამ
ჩვენმა მოსწავლეებმა შეასრულეს საახალწლო ნახატები🖼 და მოამზადეს რუსულენოვანი ვიდეო🎥 საახალწლო კერძებზე🍮
💻კონფერენცია და პრეზენტაცია ჩატარდა ზუმში, 27 დეკემბერს
✅მონაწილეებს გადაეცათ-სერტიფიკატები 👏
გამოქვეყნებულია 12-01-2022, 23:53
კიდევ ერთხელ გილოცავთ შობა-ახალ წელს🎊
📣შეგახსენებთ, რომ ზამთრის არდადეგების დასრულებამდე არც ისე დიდი დრო დარჩა👇
სწავლას ვიწყებთ 17 იანვარს🎊
🥰სიხარულით ველით მოსწავლეებს ,,კანდიდში"
გვაქვს იმედი, ახალი 2️⃣0️⃣2️⃣2️⃣ წელი მშვიდობიან გარემოში, წარმატებით და საინტერესოდ ჩაივლის!
#ნაყოფიერისასწავლოსემესტრი
kandidi
გამოკითხვა
მოგწონთ ვებ-გვერდის დიზაინი?
კი
არა

 
ბმულები
არქივი
მაისი 2022 (13)
აპრილი 2022 (19)
მარტი 2022 (9)
თებერვალი 2022 (9)
იანვარი 2022 (10)
დეკემბერი 2021 (34)