კურსდამთავრებულების🎓
ჩანაწერებიდან📝
ცხოვრებაში დღემდე რისთვისაც მიმიღწევია, ყველაფერი სკოლა “კანდიდის” სახელს უკავშირდება. პირველივე კლასიდან მოყოლებული ამ დიდი ოჯახის წევრი გახლდით, ერთად ვიზრდებოდით და ვვითარდებოდით. თითოეული მოგონება, რომელიც ამ სკოლასთან და მასში მომუშავე პერსონალთან მაკავშირებს, ენით აღუწერელია, შესაბამისად შემიძლია თამამად განვახცადო, რომ მათ შეძლეს და ჩემი ცხოვრების 12 წელი გაალამაზეს🥰
ძალიან სასიამოვნოა, როცა შენს გარშემო გრძნობ სითბოს, სიყვარულს, ნდობასა და ჰარმონიას, სახლიდან გასვლისას იცი, რომ თავს მეორე, დიდ ოჯახს აფარებ. ძალიან მაგარია ის შეგრძნება, რომ სკოლაში არა მოვალეობის მოხდისთვის, არამედ საინტერესო თავგადასავლებისთვის მიდიხარ. სკოლაში შესვლისთანავე ყველა გცნობს, ყველა გიღიმის, ყველას მიმართ იგრძნობა თანადგომა, მიუხედავად თითოეული მოსწავლის ხასიათისა❣
აუცილებლად უნდა აღვნიშნო ის თავისუფალი და პროგრესული აზროვნება, რომლითაც თითოეული მასწავლებელი თუ მომუშავე პირი არის განმსჭვალული. თითოეული მათგანი პატივს სცემს შენს გადაწყვეტილებებსა და აზრებს✌
ერთ-ერთი ყველაზე მნიშვნელოვანი ნაბიჯიც ჩემს ცხოვრებაში-უნივერსიტეტში ჩაბარება, ყველაზე მაგარი მასწავლებლების დაუღალავ შრომას მიეწერება, ერთობლივი ძალებით შევძელით და მივაღწიეთ დასახულ მიზანს. ამ და სხვა მრავალი მიზეზის გამო შემიძლია ვთქვა, რომ “კანდიდმა” წარუშლელი კვალი დატოვა ჩემს ცხოვრებში. ჩემს თანაკლასელებთან ერთად შეიქმნა დიდი ისტორია, რომელიც მთელი ცხოვრების მანძილზე გამყვება💞
გვანცა რამაზაშვილი