🎯კვირეულის მიზანია მოსწავლებს გაუღრმავდეს მშობლიური ენის სიყვარული, ადრეულ ასაკში გაიაზრონ ქართული ენის მნიშვნელობა, გაითავისონ რაოდენ მნიშვნელოვანია ამ ღვთივბოძებული განძის სიწმინდის დაცვა, თითოეულმა მოსწავლემ იგრძნოს ის პასუხისმგებლობა, რომელიც აკისრია ენის, მამულისა და სარწმუნოების წინაშე❣

📜მოსწავლეებმა ცნობილი გამონათქვამებით გააფორმეს კლასები, თავადვე შექმნეს ხელნაკეთი წიგნები.
1️⃣3️⃣ აპრილს VIა, VIბ, VIგ და VIIა კლასის მოსწავლეებმა წარადგინეს პრეზენტაციები თემაზე, ,,ენა დედაა ერისა".
მათ ისაუბრეს ქართული ენის წარმოშობისა და განვითარების საკითხებზე, ქართულ ანბანზე, დამწერლობაზე, ენის სიწმინდის დაცვასა და სხვა მნიშვნელოვან საკითხებზე📝

1️⃣4️⃣ აპრილს VI და VII კლასის მოსწავლეები იმყოფებოდნენ დედაენის ბაღში, სადაც დაესწრნენ დედაენის დღისადმი მიძღვნილ ღონისძიებებს. ქართული ენის პედაგოგებმა, თამარ სილაქაძემ და თინათინ ცხადაძემ მოსწავლეებს მიაწოდეს ინფორმაცია იმის შესახებ, თუ რატომ აღინიშნება დედაენის დღე 1️⃣4️⃣ აპრილს და რა საფრთხის წინაშე იდგა ქართული სახელმწიფო ენა 1978 წელს🇬🇪

📌გარდა ამისა, მოსწავლეებმა სკოლაში გამოფინეს სპეციალურად ამ დღისთვის შექმნილი აფიშები და კედლის გაზეთები📰

📌კვირეული საკმაოდ საინტერესო და შემეცნებითი აღმოჩნდა მოსწავლეებისათვის, ემოციები და სიმბოლოები ხომ ჩვენს გონებაში ყოველთვის ილექება❗