სკოლა „კანდიდის“ IX კლასის მოსწავლეებმა მოაწყვეს საქველმოქმედო აქცია „დავეხმართ ძეგვის ბავშვთა სახლს“. შემოწირულობის სახით, ჩვენი სკოლის მოსწავლეებმა შეაგროვეს სათამაშოები და ტანსაცმელი, ასევე, შეიკრიბა გარკვეული რაოდენობის თანხაც.
6 აპრილს IX კლასმა, დამრიგებელის ხელმძღვანელობითა და ხელშეწყობით, შეგროვილი შემოწირულობა წაიღო ძეგვის ბავშვთა სახლში და გადასცა ბავშვთა სახლის ბინადართ. ჩვენმა მოსწავლეებმა ბავშვებთან ერთად ითამაშეს და, ტკბილეულის გარდა, ერთი ლამაზი დღეც აჩუქეს მათ. ძეგვის ბავშვთა სახლის დირექტორმა დიდი მადლობა გადაუხადა გულისხმიერებისათვის ჩვენს მოსწავლეებსა და მთელ სკოლას.