2011 წლის 25 მარტს ,საბერძნეთის დამოუკიდებლობის დღესთან დაკავშირებით, სკოლა ,,ოლიმპოს“ თაოსნობით დაფუძნდა ყოველწლიური საგაზაფხულო სასკოლო ფესტივალი-,,ოლიმპოს მწვერვალი“, რომლის ფარგლებშიც მოეწყო მოსწავლეთა ნახატების გამოფენა და თბილისის სასკოლო ვიქტორინა-,,ბერძნული მითების სამყარო“(15.04 2011), რომელშიც მონაწილეობა მიიღეს ,,კანდიდის” მოსწავლეებმა. ვიქტორინაში მონაწილე ჩვენი სკოლის გუნდი (მარიამ გეგუჩაძე-VII კლასი,სანდრო ბეკოშვილი-Xკლასი, ცოტნე გეგუჩაძე-XI კლასი, თამაზ გვრიტიშვილი-XII კლასი და გუნდის კაპიტანი-თემურ ეზიეშვილი-XI კლასი) III ადგილზე გავიდა. მათ გადაეცათ სამახსოვრო სიგელები და მიწვეულ იქნენ ვიქტორინაში ,,რა? სად? როდის?” მონაწილეობის მისაღებად. ნახატების გამოფენაზე ჩვენმა პატარებმა საკუთარი ნამუშევრები წარადგინეს. I კლასის მოსწავლე ლიზი შაქარაშვილს საჩუქრად გადაეცა წიგნი და მონაწილის სიგელი. მოსწავლეებმა: ქეთი ჭიჭინაძემ, საბა ზაქარეიშვილმა, გიორგი ჯავახიშვილმა, მარიამ კეჩხუაშვილმა,მედეა გობეჯიშვილმა,ზაზა ზერეკიძემ, გვანცა ცხადაძემ, მარიამ ქელეხსაშვილმა, ნიკა სვანიძემ , ლაშა ოყროშიძემ, გიორგი როსებიშვილმა და დემეტრე გეგუჩაძემ მიიღეს სამახსოვრო სიგელები.