2013 წლის 15 ნოემბერს I გ კლასის დამრიგებელმა მაია კახაიამ ჩაატარა სადამრიგებლო საათი თემაზე: საგზაო ნიშნები და მოძრაობის უსაფრთხოება.
გაკვეთილის მიზანი იყო მოსწავლეთა მიერ უსაფრთხოდ გადაადგილების წესების შესწავლა. მუშაობა ჯგუფურად წარიმართა. ბავშვებმა დაასახელეს ტრანსპორტის სხვადასხვა სახეობები. აღნიშნეს და დაასაბუთეს, თუ რისთვის არის საჭირო საგზაო ნიშნები.
მოსწავლეებმა ჯგუფურად შეასრულეს პრაქტიკული სამუშაო, კერძოდ, თაბახის ფურცელზე მოცემულ ქუჩის სურათზე განალაგეს მანქანები და საგზაო ნიშნები. გუნდის ლიდერებმა დაასაბუთეს თავიანთი ჯგუფის გადაწყვეტილება. გაკვეთილის ბოლოს მასწავლებელმა შეაფასა გუნდები.