2013 წლის 11 დეკემბერს IIბ კლასის მასწავლებელმა ირინა ჭანტურიამ ჩაატარა ღია გაკვეთილი ქართულ ენაში. გაკვეთილის თემა იყო ი. გოგებაშვილის მოთხრობა ,,სირცხვილი აიცილა”. მიზანი – სწორი, შეგნებული, გააზრებული კითხვის ჩვევების გამომუშავება, ლექსიკური მარაგის გამდიდრება, საკუთარი აზრის დაფიქსირებისა და მის გარშემო მსჯელობის უნარის განვითარება. მუშაობა ჯგუფურად წარიმართა. მოსწავლეებმა დისკუსია გამართეს ნაწარმოების გმირის საქციელის შესახებ, შეცვალეს მოთხრობის დასასრული, სადაც გამოავლინეს თავიანთი ფანტაზიის უნარი. შეასრულეს სხვადასხვა განმავითარებელი სავარჯიშოები. წახალისების მიზნით გუნდებმა მიიღეს ,,ღიმილები“. გაკვეთილის ბოლოს მოსწავლეებმა შეავსეს თვითშეფასების სქემა. ღია გაკვეთილს ესწრებოდნენ დირექციის წარმომადგენლები და დაწყებითი კლასის კათედრის წევრები.