არასამთავრობო ორგანიზაცია "თანამედროვე ახალგაზრდული მოძრაობა" სკოლა "კანდიდში" საინტერესო სახის პროექტს გეგმავს. ორგანიზაცია ერთ–ერთ უმთავრეს მიზნად
ისახავს ადამიანის უფლებებისა და თავისუფლებების მხრივ ცოდნისა და წარმოდგენის გაღრმავებას და მათ დაცვას საზოგადოებაში, რაც ორგანიზაციის მიზნების ურყევ ჯაჭვსა და
სამოქმედო გეგმას ჰქმნის. აქედან გამომდინარე მნიშვნელოვანია თითოეული ადამიანის მეტი ჩართულობა საზოგადოებრივ–სახელმწიფოებრივ პროცესებში, რაც სამომავლო პროგრესის მყარი გარანტიაა. განსაკუთრებით კი მიგვაჩნია, რომ სასკოლო დაწესებულებების მოსწავლეთა უფრო მეტად გაცნობიერებაა უმნიშვნელოვანესი პროგრესული მიზნებისა და შედეგების გათვალისწინებისათვის, რადგანაც ეს ადამიანები წარმოადგენენ მომავალს, რომლის შექმნა და განვითარება მათ ხელშია, სწორედ ამიტომ უმნიშვნელოვანესია მათი განსწავლულობა ისეთ სფეროებში, რომლებზედაც სკოლის ფორმატიდან გამომდინარე მათ ნაკლებად მიუწვდებათ ხელი. IX; X; XI; XII მოსწავლეებს ჩაუტარდებათ 8 ტრეინინგ-კურსი ზემოთხსენებულ თემებზე,რომლის ღირებულებაც 10 ლარს შეადგენს. 8 ლექციის ჩატარების შემდეგ მოსწავლეებს გადაეცემათ დამადასტურებელი ორენოვანი სერთიფიკატი. ორშაბათს (10 მარტი) 14:00სთ-ზე ჩატარდება პროექტში მონაწილეობის მიღების მსურველებისა და ორგანიზაციის ადმინისტრაციის შეხვედრა დეტალური ინფორმაციის მისაღებად სკოლის ბიბლიოთეკაში.


ორგანიზაციის წარმომადგენელთა სია:
• ორგანიზაციის პრეზიდენტი - ჯუმბერ ჯინჯოლავა
• თვითმართველობის თავმჯდომარე - ჯონი ჩინჩალაძე
• პროგრამისტი, ვებ–დეველოპერი და ინფორმაციული ტექნოლოგი - ლევან კენჭოშვილი
• ნაციონალური და საერთაშორისო პროექტების მენეჯერ–კოორდინატორი – გაგა თუთარაშვილი.