21 მარტს IIბ კლასში ჩატარდა ინტეგრირებული გაკვეთილი - ქართული ენა-მუსიკა. პედაგოგები: მაია კახაია და ი. ჯარიაშვილი. გაკვეთილის თემა იყო ,,იავნანა.“ მოსწავლეებმა წარმოადგინეს სხვადასხვა კუთხის, ასევე ხალხური და რამდენიმე ავტორის ,,იავნანა.“ გაიხსენეს ნაწყვეტი კინოფილმიდან ,,იავნანამ რა ჰქმნა.“ მოისმინეს დეკანოზ თავმაზ ჩოხელის მიერ შექმნილი ,,მამის იავნანა;“ მუსიკალური ნაწყვეტი ბალეტიდან ,,მაკნატუნა.“ შესვენების დროს ნაჩვენები იქნა სლაიდ-შოუ ,,დედაშვილობა.“ აიხსნა და განმტკიცდა ახალი მასალა - მოთხრობა ,,ნანინა.“ ჩატარდა ჯგუფური სამუშაოები რუბრიკით: ,,ვეძებთ სიტყვებს,“ ,,ფრაზების გუდა,“ რითაც შესრულდა ენობრივ-გრამატიკული სავარჯიშოები. მუსიკის პედაგოგთან ერთად ბავშვებმა ისაუბრეს ,,იავნანას“ წარმომავლობაზე, დანიშნულებაზე ადრე და ახლა. წარმოადგინეს სვანური და ფშავური ,,იავნანა.“ გაკვეთილის ბოლოს მოსწავლეებმა შეასრულეს ჯანსუღ კახიძის ,,იავნანა.“
გაკვეთილს ესწრებოდნენ: სკოლის დირექცია და დაწყებითი საფეხურის კათედრა სრულად.