2011 წლის 17 და 19 მაისს ჩვენი სკოლის მე-4 და მე-8 კლასის მოსწავლეებმა მონაწილეობა მიიღეს Timss&Pirls-ის საერთაშორისო კვლევაში. წიგნიერების საერთაშორისო კვლევა (PIRLS) ხუთ წელიწადში ერთხელ ტარდება და მოზარდებში კითხვის უნარის განვითარებას აფასებს. მასში მსოფლიოს 53-მდე ქვეყანა მონაწილეობს. მათემატიკისა და საბუნებისმეტყველო საგნების სწავლისა და სწავლების კვლევა (TIMSS) ოთხ წელიწადში ერთხელ ტარდება. წელს კვლევაში, 80-ზე მეტი ქვეყანა ჩაერთო, მათ შორის საქართველოც. ,,კანდიდი“ ერთ-ერთია იმ სკოლათაგან, რომლებმაც მონაწილეობა მიიღეს ამ კვლევაში. იმედს ვიტოვებთ,რომ ჩვენი მოსწავლეების შედეგები საამაყო იქნება ჩვენი სკოლისათვის.