ქართული ენის კვირეულის ფარგლებში სკოლა "კანდიდში" ჩატარდა სხვადასხვა სახის ღონისძიებები და აქტივობები, რომელშიც ჩართული იყვნენ, როგორც საშუალო ისე მაღალი კლასის მოსწავლეები. ცნობილი გამონათქვამებით გააფორმეს კლასები. მოეწყო წიგნების გამოფენაც, სადაც ნებისმიერ მოსწავლეს შეეძლო გაცნობოდა სხვადასხვა სახის ლიტერატურას.

"დედაენის" დღისადმი მიძღვნილი კვირეულის ფარგლებში 15 აპრილს სკოლა "კანდიდში ჩატარდა ღონისძიება V ბ კლასში. მოსწავლეებმა წარმოადგინეს სპექტაკლი რომელიც ეძღვნებოდა ქართული დამწერლობის წარმოქმნას და განვითარებას. წარმოდგენილ იქნა სხვადასხვა პოეტების ლექსები და ჩანახატები, რომელიც ეძღვნებოდა ქართულ ენას.

"დედაენის" დღისადმი მიძღვნილი კვირეულის ფარგლებში 17 აპრილს სკოლა "კანდიდის" Vა კლასში ქართულ ენასა და ისტ-სპედაგოგებმა, მაკა დიაკონიძემ დ ეკა მაძღარაშვილმა, ჩაატარეს ინტეგრირებული გაკვეთილი- "ზღაპრის სამყაროში", რომელიც მიზნად ისახავდა მოსწავლეთა შემოქმედებითი უნარის წარმოჩენასა და ფანტაზიის განვითარებას. ბავშვებმა წარმოადგინეს გ.პეტრიაშვილის ზღაპრების მიხედვით შექმნილი საკუთარი ილუსტრაციები და ისაუბრეს შეფარვით ნათქვამი სიბრძნის შესახებ. "Paint"-ის პროგრამის გამოყენებით მათ შეძლეს თავიანთი ნახატების მონიტორზე გადატანა და ისტ-ს გაკვეთილზე მიღებული ცოდნის რეალიზება.
დამსწრეთა შეფასებით გაკვეთილი სახალისო და საინტერესო იყო კლასისთვის.