ამ დღეს სკოლის მოსწავლეებისა და პედაგოგებისთვის ემოციების და მღელვარების გარეშე არ ჩაუვლია. სპეციალურად ამ დღისთვის საგულდაგულოდ მომზადებული მოსწავლეები ცეკვებით, სიმღერებითა და თემატური მინიატურებით ემშვიდობებოდნენ სკოლის კედლებს. ფერადი წარწერებით აჭრელებული თეთრი პერანგები და წინსაფრები, უამრვი კეთილი სურვილები და თვალცრემლიანი მასწავლებლები.
ბოლო ზარი ერთდროულად სიხარულთან და ცრემლებთან არის დაკავშირებული, თუმცა ჩვენი სკოლის კურსდამთავრებულთათვის წლევანდელი ბოლო ზარი განსხვავებული და განსაკუთრებული იყო. სკოლა "კანდიდის" დირექციამ მოსწავლეებს მრავალი სიურპრიზი მოუწყო: განსაკუთრებით ამაღელვებელი იყო ის წუთები, როდესაც მანტიებით შემოსილებს ქალბატონმა მარინე ქვრივიშვილმა გადასცა ნამდვილი "კანდიდელის" სიგელი. აღსანიშნავია რომ მანტიები წელს სიახლე იყო, ასევე სკოლაში გაიხსნა მათი სახელობის ვარსკვლავი. ყოველივე ამან ბოლო ზარს განუმეორებელი ელფერი შესძინა და ეს დღე ყველასთვის დაუვიწყარი გახადა.