საქართველოს განათლებისა და მეცნიერების სამინისტრომ შეიმუშავა ახალი ინიციატივა, რომლის თანახმადაც მასწავლებლები უნდა ჩაერთონ საქმიანობის დაწყების, პროფესიული განვითარებისა და კარიერული წინსვლის ახალი სქემაში.ამისთვის სკოლებს დაევალათ კათედრების ფარგლებში აირჩიონ შეფასების ჯგუფის წევრები და ფასილიტატორები, რომლებიც გაივლიან მასწავლებელთა სახლის მიერ შემოთავაზებულ ტრენინგებს, რის შემდეგაც ისინი შეძლებენ დახმარება გაუწიონ ზედამხედველობის ქვეშ მყოფ პედაგოგებს თვითშეფასების კითხვარის შევსებაში. აღნიშნული კითხვარი პედაგოგებს დაეხმარება აღმოაჩინონ პროფესიულ გზაზე ხარვეზები და იმუშაონ მათ აღმოსაფხვრელად .შექმნან სამოქმედო გეგმა , რომელიც მათ დაეხმარება ამ ხარვეზების გამოსწორებაში.
ჩვენმა სკოლამ ფეხი აუწყო ახალ გამოწვევებს და ყველა წესის დაცვით არჩეულ იქნა კათედრებში შეფასების ჯგუფის წევრები და ფასილიტატორები . პედაგოგთა ხმების უმრავლესობით ფასილიტატორებად არჩეულ იქნენ ამავე სკოლის პედაგოგები :
ქართულის კათედრიდან -- ეკატერინე ფსუტური,
დაწყებითი საფეხურის კათედრიდან --მაია კახაია,
საბუნებისმეტყველო საგნების კათედრიდან -- ეკატერინე მოლაშხია.
არჩეულმა ფასილიტატორებმა მიმდინარე წლის 6 -7 ნოემბერს გაიარეს დაგეგმილი ტრენინგი და ამჟამად ასრულებენ დაკისრებულ მოვალეობას. აქვე უნდა აღინიშნოს,რომ სკოლამ
ამ კუთხით თავად ჩაატარა კომპეტენტური ტრენერების ხელმძღვანელობით არაერთი ტრენინგი, ზეოთხსენებულ სქემის გაცნობის და განხორციელების მიზნით. ასე რომ ვუსურვებთ სკოლის ყველა პედაგოგს წარმატებებს.