,,შიდსის საერთაშორისო დღეს „ მიეძღვნა ა/წლის 1 დეკემბერს სკოლა ,,კანდიდში“ ჩატარებული პროექტის პრეზენტაცია თემაზე ,,შიდსი“ პროექტში მონაწილეობდნენ VIII (ბ) კლასის მოსწავლეები, რომელსაც ხელმძღვანელობდა ბიოლოგიის მასწავლებელი ეკატერინე მოლაშხია .
მოსწავლეებმა ჩაატარეს მოსახლეობის გამოკითვები, რომელიც მიზნად ისახავდა დაედგინათ თუ რამდენად ფლობდა მოსახლეობა აივ ინფექციის შესახებ ინფორმაციას . როგორი დამოკიდებულება აქვთ ადამიანებს დაავადებულ პირებთან და როგორ უნდა დაიცვან თავი კრიტიკულ სიტუაციებში. ასევე მოიძიებულ იქნა ინფორმაცია ,,შიდსის“ წარმოშობის და გავრცელების შესახებ . მოსწავლეები გაეცნენ დაავადების სიმპტომებს და გავრცელების სტატისტიკას მსოფლიოში და საქართველოში , ასევე გააკეთეს კვლევა თუ რომელ წელს იყო ამ დაავადების გავრცელების პიკი, ქვეყნებისა და რეგიონების მიხედვით.
პროექტზე მუშაობამ მოსწავლეებს შეუქმნა წარმოდგენა საშიში დაავადების შესახებ, ასევე მათ მიიღეს ინფორმაცია , რომელიც დაეხმარებათ ინფიცირებულ ადამიანებთან კონტაქტისას. გარდა ამისა გაიგეს ნარკოტიკდამიკიდებულების უარყოფითი შედეგები და რისკები.
პროექტის პრეზენტაცია მოხდა 1 დეკემბერს, რომელსაც ესწრებოდნენ სკოლის ადმინისტრაცია და პედაგოგები.