მოსწავლეთა აკადემიური მოსწრების ხარისხის შემოწმების მიზნით, სკოლა "კანდიდი" მთელი წლის მანძილზე ატარებს რეიტინგულ წერებს ყველა კლასში.
წელს რეიტინგული წერა ჩატარდა 4,5,6 დეკემბერს - ქართულ ენასა და ლიტერატურაში, მათემატიკაში, პირველ უცხოურ ენა-ინგლისურში და მეორე უცხოურ ენა-რუსულში. XI-XII კლასის მოსწავლეებმა წერეს ე.წ. საატესტატო საგამოცდო პროგრამით შედგენილი ტესტები, რადგან ერთიანი ეროვნული გამოცდებით გათვალისწინებულ პროგრამას ისინი ჩააბარებენ იანვრის თვეში.
შედეგები მშობლებს მოკლე ტექსტური შეტყობინების სახით ინდივიდუალურად გადაეგზავნებათ, ხოლო დაბალი რეიტინგის მქონე მოსწავლეებთან სკოლა წელსაც გეგმავს დამატებითი სამუშაოების ჩატარებას.