სკოლის ადმინისტრაცია ულოცავს სკოლა ,,კანდიდის“ თვითმმართველებს,, USAID’’ მიერ განხორციელებულ პროექტში ,,მოაწყე თვითმმართველობის ოთახი“ მოიპოვებულ გამარჯვებას უსურვებს წარმატებებს და წინსვლას მომავალში.
თვითმმართველობის ოთახი მოეწყო მოსწავლეების შესაძლებლობების მაქსიმალური გამოყენებით და მინიმალური დანახარჯებით. სკოლაში შეიქმნა გარემოს დაცვის კლუბი,ოთახს კი ,,მწვანე ოთახი’’ ეწოდა. მოსწავლეებმა შეიძინეს საჭირო ნივთების დასამზადებელი მასალა და საკუთარი ხელით შექმნეს „მწვანე ოთახისათვის“დეკორაციები, თუ ავეჯი.
ერთი მხრივ,ამ პროექტის განხორციელებით, თვითმმართველობისთვის მოეწყო კომფორტული გარემო, სადაც შესაძლებელი იქნება სხვადასხვა ღონისძიებების დაგეგმვა და ჩატარება. მეორე მხრივ, თემატური ოთახი საშუალებას მისცემს მოსწავლეებს მოახდინონ ახალგაზრდებში გარემოს დაცვითი საკითხების პოპულარიზაცია. საბაზო და საშუალო სკოლის მოსწავლეებს ტრენერები (შესაძლებელია იყვნენ სკოლის პედაგოგები, თავად თვითმმართველები და საჭიროების შემხვევაში მოწვეული სპეციალისტები) ჩაუტარებენ ტრენინგებსა თუ სემინარებს გარემოსდაცვითი საკითხების შესახებ. პროექტი ასევე ითვალისწინებს „მწვანე ყუთის“ იდეას,რომელშიც მოხდება მაკულატურის შეგროვება, მაკულატურა რეგულარულად გადაიცვლება ნერგებზე. სკოლის მიმდებარე ტერიტორიაზე არის ხევი, რომელსაც სკოლის თვითმმართველობის მოსწავლეები აღნიშნული ნერგებით გაამწვანებენ, რითაც გაცილებით გაჯანსაღდება გარემო, როგორც ესთეტიკური თვალსაზრისით ასევე ეკოლოგიურად. მოსწავლეებს კი კიდევ უფრო გამოუმუშავდებათ გარემოსდაცვითი ინსტიქტები.
გთავაზობთ პროექტის დასრულებულ სახესა და სამუშაო პროცესის ამსახველ ფოტო მასალას