წელს პირველად სკოლა ,,კანდიდის“ დაწყებითი საფეხურის ბიბლიოთეკარ ხათუნა ხადურის ინიციატივით მესამე-მეოთხე კლასების აქტიურმა მკითხველებმა მონაწილეობა მიიღეს თბილისის წიგნის საახალწლო ფესტივალში, რომელიც ჩატარდა საქართელოს პარლამენტის ეროვნულ ბიბლიოთეკაში. ბავშვებისათვის განსაკუთრებით შთამბეჭდავი იყო სხვადასხვა გამომცემლობების მიერ ფესტივალზე წარმოდგენილი მრავალფეროვანი წიგნების გამოფენა-გაყიდვა. მოსწავლეებმა შეიძინეს სასურველი წიგნები, მონაწილეობა მიიღეს ბავშვებისთვის გამართულ საახალწლო ღონისძიებაში და დაესწრნენ ანა ჯობავას ლექციას წიგნიერების შესახებ, უნდა აღინიშნოს, რომ ბავშვების დასწრება მისთვის უჩვეულო იყო და ამიტომაც ლექციის შესავალი ნაწილი დაუთმო მათთვის საინტერესო საკითხებს. პატარებზე დიდი შთაბეჭდილება მოახდინა ეროვნული ბიბლიოთეკის სივრცემ და გარემომ.