ჩვენი სკოლის მოსწავლეები ხშირად სტუმრობენ ბოტანიკურ ბაღსა და ,,გარდენიას“, ღებულობენ სხვადასხვა სახის პროექტებში მონაწილეობას, უტარდებათ ,, მწვანე გაკვეთილები“. ამ წელს თვითმმართველებმა USAID-პროექტში ,,გარემოს დაცვა და ეკოლოგია“ გაიმარჯვეს, მიღებული დაფინანსებით გაარემონტეს და მოაწყვეს „მწვანე ოთახი’, სადაც ანალოგიურ თემებზე სხვადასხვა ჯგუფებთან ტარდება პრეზენტაციები. და ბოლოს გაჩნდა იდეაც სკოლაში მსგავსი ბაღის გაკეთების შესახებ.მით უმეტეს, რომ თითოეულ კლასში არიან შემოქმედებითი უნარით დაჯილდოებული მოსწავლეები.სკოლის უკან მდებარე ეზო დაიყო ზონებად,რომლებიც გაინაწილეს კლასებმა და დიდი ენთუზიაზმით შეუდგნენ მუშაობას.დიზაინი და თითოეული დეტალი მოსწავლეების მიერ შეიქმნა. უამრავი მოძველებული ნივთები მოიტანეს სახლიდან, ზოგიც სკოლის ეზოში აღმოაჩინეს,რომლებსაც მეორე სიცოცხლე აჩუქეს და შეუცვლელ დეკორაციად აქციეს.