თბილისის სკოლა „კანდიდი“-ს პირველი და მეორე კლასის მოსწავლეები სტუმრობდნენ 2018წ. 27-28 თებერვალს ქართული ხალხური სიმღერისა და საკრავების სახელმწიფო მუზეუმს. მუზეუმში დაათვალიერეს ქართული ხალხური საკრავები: სალამური, გედის ძვლის სალამური, (ორიგინალი ინახება საქართველოს ეროვნულ მუზეუმში), დოლი, დიპლიპიტო, ფანდური, ჩონგური,ჩანგი, გუდასტვირი და ბევრი სხვა ინსტრუმენტი. შემდეგ მოისმინეს ამ საკრავების მიერ შესრულებული ქართული ხალხური საცეკვაო და სასიმღერო მუსიკა. ამ მუსიკის ფონზე ჩააბეს ფერხული, რამაც ბავშვები აღაფრთოვანა. ნანახმა გაუღრმავათ ცოდნა ნაცნობი საკრავების მიმართ და კიდევ მეტი გაიგეს ქართული ხალხური შემოქმედების შესახებ. შემდეგ გადაინაცვლეს ევროპულ დარბაზში, სადაც მათ ნახეს ისეთი საკრავები, რომელიც აქამდე არ ენახათ და მეტიც არც იცოდნენ ზოგიერთი მათგანის არსებობა: არღანი, ორღანი, მექანიკური პიანინო, როიალი, არფა, ვიოლინო და ბევრი სხვა ინსტრუმენტი. ნანახმა მოლოდინს გადააჭარბა.