ჯუნიორ ეჩივმეტ საქართველომ'' საქართველოს ეროვნულ ბანკთან და #იბსუ- სთან თანამშრომლობით, გლობალური ფულის კვირეულის ფარგლებში, ინოვაციების ბანაკი გამართა. ღონისძიების მიზანი იყო ახალგაზრდებში ისეთი უნარების ჩამოყალიბება, რაც მათ მომავალში ფულის სწორად მართვასა და დაზოგვაში დაეხმარებოდათ .
სკოლა,,კანდიდის“ მე-7 კლასის მოსწავლეებმა მეთორმეტე კლასის მოსწავლის ნინო სოლომონიას მენტორობით მიიღეს მონაწილეობა ამ ღონისძიებაში.ინოვაციების ბანაკი - ეს იყო იდეების ინტენსიური გენერირების 6 საათიანი ღონისძიება, სადაც მოსწავლეები 7 სხვადასხვა საჯარო/კერძო სკოლიდან თავს იყრიდნენ კონკრეტული გამოწვევის გარშემო, რომლის შესახებაც უნდა წარმოედგინათ იდეები და ოჯახის ბიუჯეტის დაგეგმვის ეფექტური მეთოდები,სადაც სკოლა ,,კანდიდის“ გუნდმა გაიმარჯვა და დასაჩუქრდა სიმბოლური საჩუქრებით; ღონისძიების ყველა მონაწილეს კი გადაეცა 123 ქვეყანაში აღიარებული სერტიფიკატი ''ინოვაციების ბანაკში'' მონაწილეობისათვის.