სამოქმედო გეგმის წარდგენისას ძალიან ვნერვიულობდი, ვიცოდი რომ ასე თუ ისე კარგად მქონდა ყველაფერი აწყობილი, მაგრამ მაინც მეშინოდა სხვების აზრის. გეგმის წარდგენის შემდეგ ბავშვებს რომ გადავხედე წამიერად თავი ბედნიერად ვიგრძენი, რადგან ყველა იღიმოდა და ტაშს უკრავდა. ვგრძნობდი, ეს უბრალოდ მოვალეობის მოხდის მიზნით არ იყო გამოწვეული და მიხაროდა რომ ეს ყველაფერი დავიმსახურე.
შედეგების გაგების შემდეგ თავი ძალიან კარგად ვიგრძენი. ყველა მილოცავდა და წარმატებას მისურვებდა, ასეთ დამოკიდებულებას მართლა არ მოველოდი. მაგრამ ამ ყველაფერმა იმაზეც დამაფიქრა, რომ ძალიან დიდი მოვალეობა და პასუხისმგებლობა დამეკისრა. ბევრი ადამიანი მენდო, გვერდში დამიდგა და ვაპირებ რომ მათი იმედები გავამართლო.
ძალიან მადლიერი ვარ ყველა იმ ადამიანის ვინც ამირჩია და აუცილებლად ვეცდები ჩემი მოვალეობის უნაკლოდ შესრულებას მთელი წლის განმავლობაში.