ყველა პედაგოგისგან სითბო და მეგობრობა იგრძნობოდა დამიჯერეთ.ზედმეტი ფამილიარულობის გარეშე,უშუალოდ ვკონტაქტობდით ერთმანეთთან.არც დირექტორთან ურთიერთობა წარმოაგდენდა გამონაკლისს.თუკი დირექტორის კაბინეტი ბევრისთვის სადამსჯელო ღონისძიებების ოთახს ან გილიოტინას წარმოადგენდა,ჩვენთან სულ სხვაგვარად იყო საქმე.არც დირექტორის მზერა,ოთახი და მითუმეტეს სავარძელი მსგავს გრძნობას არ აღძრავდა.
თუმცაღა განსაკუთრებულად ამ სკოლაში რაც მიყვარდა იყო მაჯისცემა.გადაჭარბებული არ გეგონოთ.უბრალოდ ეს ის ადგილია, სადაც გრძნობ რომ მოძრაობ ,აქტიური ხარ და არ დუნდები(რომც გინდოდეთ,ამის უფლებას არ მოგცემენ).ყოველთვის რაღაცას აკეთებ,ცდილობ.კარნავალი,არაერთი პროექტი,აქტივობა,საქველმოქმედო აქციები არაჩვეულებრივ შესაძლებლობას აძლევს ახალგაზრდას უფრო ჩართული იყო სასკოლო ცხოვრებაში და მისთვის სკოლა ბევრად მეტი იყოს ვიდრე დაწესებულება,სადაც 45 წუთიან გაკვეთილებს ესწრები,რათა ცოდნა მიიღო.ამ შაბლონს ,ვფიქრობ, ,,კანდიდი“ დიდი ხანია გასცდა,რომ აღარაფერი ვთქვათ ოჯახურ გარემოზე. ,,კანდიდის“ ,,პოპულაცია“ არც ისე დიდია და, ალბათ, სწორედ ამიტომ არის აქ თბილი გარემო.ყველა ყველას იცნობს,ყველას თავისი ფუნქცია აქვს .
იმასაც გეტყვით,რომ ,,კანდიდში“ შემოსვლა მარტივია,გასვლა კი რთული.თავი ბლოკბასტერში ნუ გეგონებათ და ნურც რთულ სიუჟეტს წარმოიდგენთ იმის შესახებ თუ რატომ არის გასვლა რთული,უბრალოდ და მარტივად ,თვითონ არ გაქვს წასვლის სურვილი.და მერწმუნეთ,არც არავინ გაგიშვებთ,პირიქით დღის ბოლოს შესაძლოა ფინჯანი ყავა და დირექტორის კაბინეტის გრძელი სავარძელიც კი შემოგთვაზონ.
საბოლოოდ შევაჯამებ ჩემს აქ ვიზიტს და გეტყვით,რომ ,,კანდიდი“ პატარა და მყუდრო ქალაქია,მცირე ,მაგრამ თბილი მოსახლეობით.მმართველობის სისტემა დემოკრატიულია,აქვს წარმომადგენლობითი ორგანო თვითმმართელობის სახით და არჩევნები ყოველ წელს პირდაპირი სახით ტარდება.ასე რომ,ვფიქრობ,აქ მოგზაურობა ბევრისთვის სასიამოვნო თავგადასავლის დასაწყისი იქნება.