კონკურსი იყოფა სხვადასხვა კატეგორიებად, სკოლის უმცროსკლასელთა გუნდმა მონაწილეობა მიიღო ამ კონკურსის „A-B-3“ – „საჯარო და კერძო სკოლების უმცროსკლასელ მოსწავლეთა კატეგორიაში“, სადაც შეასრულეს ორი ნაწარმოები: მ. ოთარაშვლი – „ეს ლამაზი მთები“ და აფრიკული ტრადიციული - “Sia Hamba”, სოლისტი – XI კლასის მოსწავლე ლიკა თუთისანი, დირიჟორი – ია ჯოჯუა, კონცერტმაისტერი – მაია ჯინჭველაშვილი.
სკოლის მოსწავლეთა გუნდის ამ შემადგენლობისათვის ეს იყო პირველი საკონცერტო შესრულება, რომელსაც წარმატებით გაართვეს თავი, რაც გვაძლევს უფრო დიდ მოლოდინს შემდგომი წარმატებებისათვის.
აქვე უნდა აღინიშნოს, რომ ჩვენი სკოლის მოსწავლეთა გუნდმა 2018 წელს საგუნდო მუსიკის IV ეროვნულ კონკურსში მოიპოვა ვერცხლის მედალი. იმედი გაქვს წლევანდელი შემადგენლობაც გააგრძელებს ამ ტრადიციას და უფრო დიდ წარმატებას მოიპოვებს 2019 წლის საგუნდო მუსიკის V ეროვნულ კონკურსში.