2019 წლის 28 ნოემბერს, ჩვენმა პედაგოგმა ნონა ძველაიამ IIა კლასში ჩაატარა ღია გაკვეთილი ინგლისურ ენაში, რომლის მიზანი იყო მოსწავლეებს შესძლებოდათ წინარე ცოდნის გამოყენებით ილუსტრაციების დასახელება და საძინებლის ავეჯისა და ნივთების სახელწოდებების წარმოთქმა ინგლისურ ენაზე. გაკვეთილი მოიცავდა სახალისო და მრავალფეროვან აქტივობებს. მოსწავლეები მუშაობდნენ როგორც ინდივიდუალურად ასევე ჯგუფებში. მათ გამოავლინეს მოსასმენის მითითებების სწორად შესრულებისა და მასწავლებლის მიერ დასახელებული სიტყვების სწორად გამეორების, თანამშრომლობისა და ურთიერთშეთანხმების უნარი. საგაკვეთილო პროცესი ძალიან აქტიურად და საინტერესოდ მიმდინარეობდა. ყველა მოსწავლე აქტიურად იყო ჩართული.