სკოლა " კანდიდმა" 2019 წლის 24, 25, 26 და 27 დეკემბერს მოსწავლეთა თვითმმართველობის ინიციატივით, დაბა ბაკურიანში განახორციელა შემეცნებით-გასართობი პროექტი, რომელშიც მონაწილეობას იღებდნენ ჩვენი სკოლის IX-XII კლასის მოსწავლეები და დამრიგებლები. ყველა დღე სხვადასხვა აქტივობებით იყო დატვირთული: გასეირნება, განტვირთვის საათი, ბავშვების მიერ მოწყობილი დისკოთეკა... გარდა ამისა, პროექტის პირველ დღეს გავიხსენეთ 90-იანი წლები, უკრავდა შესაბამისი მუსიკა და მოსწავლეებმა მოირგეს 90-იანი წლების სამოსი, მეორე დღეს ჩატარდა ჩვენი მოსწავლეების მიერ ორგანიზებული კარნავალი,სადაც თითოეულ კლასს თავისი ქორეოგრაფიული და მუსიკალური პერფორმანსები ჰქონდა წარმოდგენილი, გამოვლინდა გამარჯვებული კლასი, მოსწავლეებსა და მასწავლებლებს გადაეცათ სერტიფიკატები სხვადასხვა ნომინაციებში, ხოლო პროექტის მესამე დღე დაეთმო ინტელექტუალურ-გასართობ თამაშს "რა? სად? როდის?", რომელშიც მოსწავლეები აქტიურად ჩაერთვნენ. 🎸🎤🎼🎭
მსგავსი პროექტების განხორციელება ჩვენი სკოლისათვის უკვე ტრადიციად იქცა და ყოველ წელს უფრო და უფრო საინტერესო და დასამახსოვრებელი ხდება. რაც მთავარია, ბავშვები სწავლობენ პროექტების ორგანიზებას, პასუხისგებლობების გააზრებას, ურთიერთობას არაფორმალურ გარემოში.