გვსურს გაგაცნოთ ჩვენი ერთ-ერთი მოსწავლე- ალექსანდრე კაცია. მან არაერთ კონკურსში გაიმარჯვა, მოიპოვა მრავალი ჯილდო და მიიღო დიპლომები სხვადასვა კატეგორიაში🏅

ალექსანდრე გამორჩეული მოსწავლეა და ეს განსაკუთრებით იგრძნობა ტექნიკური მიმართულების საგნებში. უყვარს მათემატიკა, ლოგიკა. აღსანიშნავია მისი ლოგიკური აზროვნების განვითარების დონე, რაც ბუნებრივია, ყველა საგანში მაღალ აკადემიურ მოსწრებას განაპირობებს.

ალექსანდრე არის ერთ-ერთი ყველაზე ნიჭიერი და შრომისმოყვარე მოსწავლე. მასწავლებლები ხაზს უსვამენ, რომ მას აქვს მრავალმხრივი ინტელექტი, ახარებთ მისი მონდომება და ინტერესი თითოეული საგნის მიმართ. მას მოსწონს სიახლეები, გამოირჩევა სწრაფი აზროვნებით და დასმულ კითხვებს ყოველთვის არგუმენტირებულად პასუხობს. ალექსანდრეს აქვს ისეთი პიროვნული თვისებები, როგორიცაა: პასუხისმგებლობა, სხვისი აზრის პატივისცემა, ლიდერობისა და კრიტიკული აზროვნების უნარი. გარდა ამისა, არის მეგობრული, რაც კიდევ უფრო კარგად წარმოაჩენს მის პერსონას.

აღსანიშნავია, რომ ალექსანდრეს ასევე აქვს განსაკუთრებული ნიჭი ხელოვნების მიმართულებით, მას კარგად გამოსდის ცეკვა და სიმღერა.

ჩვენ გვჯერა, რომ ალექსანდრეს ცხოვრების გზაზე კიდევ უფრო მეტი წარმატება ელოდება ❤