ბოლო ზარი 2016-2017 სასწავლო წლის

კვლავ წარმატებით ჩაიარა XII კლასელთათვის 2017 წლის საატესტატო გამოცდებმა. გამოცდების პერიოდში 14 სუფთა ათიანი დაიწერა და საშუალო მაჩვენებლმა 9 ქულას გადააჭარბა :) ალბად დაგვეთანხმებით 18 მოსწავლის ფონზე საკმაოდ მაღალი შედეგია ! ვულოცავთ ჩვენს კურსდამთავრებულებს ამ ეტაპის წარმატებით გადალახვას და გვწამს, რომ მისაღები გამოცდების შედეგები კიდევ უფრო შთამბეჭდავი იქნება!!!...

სკოლა „კანდიდის“ II ა კლასი
დამრიგებელი - ეკატერინე ხმალაძე
სასწავლო აქტივობა-ექსკურსია - სამება, დიდუბის მწერალთა და საზოგადო მოღვაწეთა პანთეონი.

მზემ გამოანათა, დათბა და ჩვენც მაშინვე დავიწყეთ იმაზე ფიქრი თუ სად წავსულიყავით ექვსკურსიაზე... საუკეთესო გადაწყვეტილებაც მივიღეთ და გავეშურეთ სოფელ საგურამოში მდებარე ზედაზენის ქარხანაში.ნანახმა მოლოდინს გადააჭარბა.იქ მისვლისას დაგვხვდა ბატონი ლევანი, რომელმაც არაჩვეულებრივი სანახაობა მოგვიწყო. მოგვიყვა ქარხნის ისტორია, ასევე გავიგეთ და ვნახეთ თუ როგორ მზადდება და რა პროცესებს გადის ჩვენი საყვარელი სასმელები მანამ, სანამ ჩვენამდე მოაღწევენ. წამოსვლისას კი დაგვასაჩუქრეს კიდეც.

ქართული ენისა და ლიტერატურის მასწავლებელმა ეკატერინე ფსუტურმა მე-5 კლასში ჩაატარა ღია გაკვეთილი თემაზე: გოდერძი ჩოხელის ენობრივი სამყარო.მოსწავლეებმა გამოიმუშავეს ლიტერატურის, როგორც სიტყვის,ხელოვნებისა და კულტურის აღქმისა და გაცნობიერების უნარი. განივითარეს კითხვისა და ანალიზის მარტივი კვლევითი უნარები.გაიგეს რა ელემენტებისგან შედგება მხატვრული ტექსტი, რას ემსახურება ტროპული მეტყველება. მოსწავლეებმა გამოთქვეს ვარაუდები ნაწარმოების პერსონაჟების შესახებ. ისაუბრეს დადებით და უარყოფით პერსონაჟებზე და ავტორის მხატვრულ-გამომსახველობით ხერხებზე. შეეცადნენ აეხსნათ, რის თქმა სურდა მწერალს ამბის გადმოცემით.

Vა და Xბ კლასი დამრიგებელ ეკა მაძღარაშვილთან ერთად ესტუმრა კონტაქტურ ზოოპარკ - "ფაუნლენდ’’-ს.
მოსწავლეებმა ცხოველებთან და ფრინველებთან შეხება, მათი მოფერება და გამოკვება შეძლეს. ვიზიტის წყალობით ისწავლეს ცხოველების სიყვარული და მათზე ზრუნვა. ყოველივე კი ერთგვარი რელაქსაცია გამოდგა ჩვენი აღსაზრდელებისათვის

2017 წლის I ა კლასის დამრიგებელმა ნინო ფარსმანიშვილმა ჩაატარა შემაჯამებელი გაკვეთილი მათემატიკაში.მიზანი იყო განვლილი მასალის გამეორება,მსჯელობისა და ანალიზის უნარის განვითარება.ბავშვებმა იმუშავეს ინდივიდუალურად და წყვილებში. საინტერესო და მრავალფეროვანი იყო აქტივობები.ყველა მოსწავლე აქტიურად იყო ჩართული საგაკვეთილო პროცესში.
გაკვეთილს ესწრებოდნენ სკოლის დირექტორი,მარინე ქვრივიშვილი,დაწყებითი კათედრის წევრები და მშობლები.

საქართველოს ეროვნულ არქივთან მუდმივი თანამშრომლობიდან გამომდინარე შპს ,, კანდიდი,, საშუალო სკოლის X ბ კლასის მოსწავლეები ისტორიის მასწავლებელ თამარ ფესტვენიძესთან ერთად იმყოფებოდნენ არქივის მიერ ორგანიზებულ ნაბეჭდი წიგნების გამოფენაზე.
ღონისძიების მიზანი იყო მოსწავლეების მხრიდან ვახტანგ VI და ერეკლე II მიერ სტამბაში დაბეჭდილი საერო და სასულიერო მასალების გაცნობა.

2017 წლის 22 აპრილს სკოლა ”კანდიდის” მეთერთმეტე კლასის მოსწავლეები იყვნენ მიზნობრივ ექსკურსიაზე. მოსწავლეებმა მოინახულეს ბოლნისის მონასტერი, სულხან-საბა ორბელიანის მუზეუმი და დმანისის ისტორიული ძეგლი. ბავშვებისთვის ექსკურსია იყო შემეცნებითი ხასიათის: მათ მიიღეს ინფორმაცია ქართველი მწერლის ცხოვრებისა და ადამიანთა წინაპრების- ჰომინიდების შესახებ. ექსკურსიის ბოლოს მოვაწყეთ პიკნიკი. მოსწავლეები კმაყოფილნი დარჩნენ ამ გასვლითი აქტივობით.

NEA სფეროს სკოლა კანდიდის მე-9 კლასის მოსწვალეები სტუმრობდნენ. ისინი გეოლოგიის დეპარტამენტის უფროსის მოადგილეს ემილ წერეთელსა და მოკლევადიანი ამინდის პროგნოზების განყოფილების გამგეს დოდო გვაზავას შეხვდნენ. გარემოს ეროვნული სააგენტო სტუდენტებსა და მოსწავლეებს სპეციალურ სივრცეს სთავაზობს, სადაც მათ შესაძლებლობა აქვთ, სააგენტოს ფუნქციებიდან გამომდინარე აქტუალურ საკითხებზე იმსჯელონ, სპეციალისტების შეფასებები მოისმინონ და პროფესიული ცოდნა აიმაღლონ.