25 აპრილს ჩვენმა პედაგოგმა ირინა ჭამტურიამ Iბკლასშიჩაატარა შემაჯამებელი გაკვეთილი მათემატიკაში, რომლის მიზანი იყო წლის მანძილზე განვლილი მასალის გამეორება, პრობლემის გადაჭრისა და მსჯელობის უნარის განვითარება.

25 მაისს სკოლა „კანდიდში“ თვითმმართველობის მიერ ორგანიზებული „flea market” – ი (გამოფენა-გაყიდვა) ჩატარდა, რომელსაც „მწვანე აქცია“ ეწოდა.

...

22 მაისს კიდევ ერთხელ გაისმა ბოლო ზარი, კიდევ ერთი ნაბიჯი გადაიდგა მომავლისკენ და კიდევ ერთხელ გაჟღერდა სიტყვები მადლიერებასა და სიყვარულზე!
.... ღიმილიანი...კრეატიული...ენაკვიმატი და ბობოქარი ბავშვები...

სკოლა "კანდიდის" ll გ კლასში (დამრიგ. მაია კახაია) სტუმრად იმყოფებოდა ამავე კლასის მოსწავლის, სალომე ალადაშვილის, მშობელი - მამა ლევანი. ბავშვებსა და მამაოს შორის დიალოგი ძალიან საინტერესოდ წარიმართა. შეხვედრის დასასრულს, მამაომ დალოცა პატარები და წარმატებები უსურვა მათ.

ჩვენი სკოლის დაწყებითი საფეხურის ბიბლიოთეკართან - ნანა ურდულაძესთან ერთად ll გ კლასის მოსწავლეებმა განახორციელეს პროექტი – " ზღაპარ იყო, ზღაპარ იყო..."

პროექტის ფარგლებში, ბავშვებმა ისაუბრეს ზღაპრის მნიშვნელობაზე მათ ცხოვრებაში. წარმოადგინეს საყვარელი ზღაპარი, დაახასიათეს ამ ზღაპრის მთავარი პერსონაჟი, ასევე მოამზადეს ნახატები, სადაც ასახეს ერთ-ერთი ეპიზოდი მათი რჩეული ზღაპრიდან, ნამუშევართა გამოფენა მოეწყო ბიბლიოთეკაში.

2019 წლის აპრილი-მაისის თვეში საქართველოს საგუნდო საზოგადოების ორგანიზებით ჩატარდა საქართველოს ბავშვთა და ახალგაზრდული საგუნდო კოლექტივების მე-5 ეროვნული კონკურსი, რომლის მიზანია აკადემიური საგუნდო სიმღერის პოპულარიზაცია, ეროვნული სასიმღერო ტრადიციების დაცვა, ბავშვთა და ახალგაზრდული საგუნდო კოლექტივების მხარდაჭერა და განვითარება. კონკურსი ითვალისწინებდა სხვადასხვა კატეგორიებს. იგი ჩატარდა ორ ტურად, სადაც წარმოდგენილი იყო ორი სხვადასხვა ჟანრის ნაწარმოები.

22 მაისს ბოლო ზარის ცერემონიაზე 2017/18 წლის კურსდამთავრებულებს ოქროსა და ვერცხლის მედლები გადავეცით.
გასულ წელს სკოლა წარმატებით დაამთავრა ხუთმა მედალოსანმა:
1. ნინო თათენაშვილი – ოქროს მედალი;
2. მარიამ მარგებაძე – ოქროს მედალი;
3. ივერი ჯაჯანიძე – ვერცხლის მედალი;
4. ელენე ფილფანი – ვერცხლის მედალი;
5. ქრისტინე შამათავა – ვერცხლის მედალი;
სწორედ ასეთი ახალგაზრდები ქმნიან მომავალს!

2019 წლის გაზაფხულის სეზონის კინგსის ოლიმპიადების ერთ-ერთი მთავარი მიმართულებაა - სკოლის საოლიმპიადე შედეგების გაუმჯობესება მთელი საქართველოს მასშტაბით. ამ მიმართულებით უმნიშვნელოვანესია პედაგოგების ჩართულობა. ინგლისურის ენისა და ქართული ენის ოლიმპიადის შედეგებიდან გამომდინარე, მთელი ქვეყნის მასშტაბით, კამპანიაში ჩართულ ინგლისურის ენისა და ქართული ენის 718 პედაგოგს გადაეცა შესაბამისი ხარისხის დიპლომი და გამონაკლისი არც სკოლა "კანდიდის" პედაგოგები ყოფილან.

როგორც ვიცით, საქართველოს ტერიტორიის სიმცირის მიუხედავად მეტად მრავალფეროვანი და უნიკალური ბუნებრივი რესურსები გააჩნია. აქედან განსაკუთრებით მნიშვნელოვანია მინერალები, სწორედ ამიტომ, ჩვენი სკოლის მე–9 კლასის მოსწავლეები გეოგრაფიის პედაგოგ დიმიტრი ავალიშვილთან ერთად, ეწვივნენ საქართველოს ტექნიკური უნივერსიტეტის სამთო გეოლოგიის ფაკულტეტთან არსებულ ,,მინერალოგიისა და პაეტროგრაფიის მუზეუმს’’, სადაც გამოფენილი იყო ნიმუშები, როგორც საქართველოს, ასევე ყოფილი საბჭოთა კავშირის რესპუბლიკების და საზღვარგარეთის ქვეყნების ცნობილი საბადოებიდან, წარმოდგენლი იყო მადნეული, არამადნეული და ქანმშენი მინერალები.