8.04. 2017წ. III-ა კლასში ჩატარდა ღია გაკვეთილი მათემატიკაში თემაზე: " სივრცითი გეომეტრიული ფიგურები"

სკოლა „კანდიდი“ ახალ ტრადიციას უყრის საფუძველს... უკვე მესამე წელია სკოლის მოსწავლეები და პედაგოგები ბაკურიანს სტუმრობენ. ტური საკმაოდ ნაყოფიერი და საინტერესო აღმოჩნდა, სამი დღის განმავლობაში მოსწავლეებმა აქტირურად დაისვენეს, გული იჯერეს სათხილამურო ტრასით, ციგურებზე სრიალით და სხვადასხვა გასართობი აქტივობებით.
სიახლე ის გახლდათ რომ ტურის დაგემვაში მონაწილეობას ღებულობდნენ სკოლის კურსდამთევრებულები, რომლებმაც საკუთარი გასართობი პროგრამით საკლმაოდ ნაყოფიერად დატვირთეს გრაფიკი... მოსწავლეები სხვადასხვა სახის შემეცნებით თუ გასართობ აქტივობებში ინტერესით ეფლობოდნენ და საკუთარ ინიციატივებსაც ამჟღავნებდნენ.
საბოლოოდ შედგა დაუვიწყარი ზამთრის სამი დღე!....

2017 წლის 19 მარტს IIIბ კლასის დამრიგებელმა ირინა ჭანტურიამ ჩაატარა შემაჯამებელი გაკვეთილი მათემატიკაში. მიზანი იყო შესწავლილი მასალის გახსენება, მსჯელობისა და ანალიზის უნარის განვითარება. მუშაობა წარიმართა, როგორც ინდივიდუალურად, ასევე ჯგუფურად. გაკვეთილი დატვირთული იყო მრავალფეროვანი აქტივობებით. მოსწავლეებმა გამოავლინეს ლოგიკური აზროვნებისა და თანამშრომლობის უნარი. გაკვეთილის ბოლოს მოსწავლეებს გადაეცათ სიგელები.
გაკვეთილს ესწრებოდნენ სკოლის დირექტორი, ქალბატონი მარინე ქვრივიშვილი, დაწყებითი კათედრის წევრები და მშობლები.

ა. წ. 16 თებერვალს მე-8 ბ კლასთან ერთად დაიგეგმა გასვლითი ღონისძიება ხელნაწერთა ეროვნულ საცავში. მოსწავლეებმა დიდი ინტერესით მოისმინეს ხელნაწერთა შექმნის ისტორია და ფრაგმენტები მათი თავგადასავლიდან, დაათვალიერეს ფოტოასლები, რაც დაეხმარებათ მათ ნასწავლი მასალის უკეთ განმტკიცებაში.

"ჩემი სკოლა ჩემი მეორე ოჯახია" დრო ძალიან სწრაფად გავიდა... თითქოს გუშინ იყო სკოლაში პირველად რომ შევაბიჯე და აგერ უკვე აბიტურიებტი ვარ. ბავშვობის წლები თითქმის მიილია. მალე დავემშვიდობები სკოლის მოსწავლის სტატუსს და ახალ რეალობაში გადავინაცვლებ. რაც უფრო ახლოვდება საატესტატო და ერთიანი ეროვნული გამოცდების ციებ-ცხელება, მით მეტად მიმძაფრდება გასული წლების ნოსტალგია და სკოლის სიყვარული. მერწმუნეთ, რთულია იმ კომფორტსა და სითბოსთან შელევა, რომელიც სკოლა "კანდიდში" სუფევს. აქ ხომ ყველა პირობაა შექმნილი საუკეთესო განათლების მისაღებად, საკუთარი უნარების წარმოსაჩენად და ღირსეულ პიროვნებად ჩამოყალიბებისთვის. პედაგოგები სულსა და გულს დებენ თითოეულ მოსწავლეში. სასკოლო საგნებთან ერთად სიყვარულს, ერთგულებას, სხვისი აზრის პატივისცემას, თანაგრძნობასა და თანადგომას , გვასწავლიან. ჩვენი სკოლა ნამდვილად ეხმარება მოსწავლეებს ლიბერალურ და დემოკრატიულღირებულებებზე დამყარებული ცნობიერების ჩამოყალიბებაში.სწორედ ამ გარემოებათა ერთობლიობის შედეგია სხვადასხვა აქტივობებში, სასკოლო და სპორტულ ოლიმპიადებსა თუ სამუსიკო ფესტივალებზე წარმატებული მოსწავლეების სიმრავლე, წარჩინებული კურსდამთავრებულები. ჩემი სკოლა ერთი დიდი ოჯახია, სადაც საქართველოს ღირსეულ მომავალს უზრდიან. აქ ყველანი, ყოფილი თუ ამჟამინდელი მოსწავლე და მასწავლებელი, სიამაყით ვატარებთ ნამდვილი "კანდიდელის" სახელს.

მოსწავლეებმა ღონისძიების დასაწყისში თოჯინების თეატრით წარმოადგინეს პიესა
„დედა“ , წაიკითხეს ლექსები და ცნობილი ადამიანების გამონათქვამები დედაზე, იმღერეს, გადასცეს დედებს თავიანთი ხელით დამზადებული საჩუქრები და მისალოცი ბარათები .
ღონისძიებას ესწრებოდნენ სკოლის დირექცია და მშობლები.

2 ბ კლასის პატარებმა დედებს განსხვავებულ გარემოში მიულოცეს დღე, რომელიც მხოლოდ მათ ეძრვნებოდათ... შემოქმედებითი უნარის გამოხატვის ნამდვილი ზეიმი დადგა - ლექსების , მოთხრობების , ჩანახატების სახით. პატარებმა ასევე საკუთარი ხელით დამზადებული საჩუქრები უსახსოვრეს დედებს. ასევე გაშუქდა მისალოცი სლაიდი, რომელიც გაჯერებული იყო მათი ზრდის პროცესის ამსახველი ფოტოებით.
ბოლოს კი სკოლის დირექტორმა ქალბატონმა მარინა ქვრივიშვილმა სხვადასხვა ნომინაციებში გამარჯვებული მოსწავლეები გამოავლინა და შესაბამისი სიგელებით დააჯილდოვა.

2017წლის 2 მარტს ჩატრდა დედის დღისადმი მიძღვნილი ღონისძიება მე-2 გ კლასში , დამრიგებელი მირანდა კეშელავა.
ღონისძება საკმაოდ თბილ გარემოში ჩატარდა, მოსწავლეებმა წაიკითხეს ლექსები, მოთხრობები, გამონათქვამები .....ყველაფერში დედის მოფერება იგრძნობოდა. იცეკვეს და ბოლოს პატარა ხელებით გაკეთებული საჩუქრები დაურიგეს დედებს.
ბოლოს კლასის დამრიგებელმა საპატიო სერთიფიკატებით დააჯილდოვა დედები, სახელწოდებით - „წლის საუკეთესო დედა!“.
ღონისძიებას ესწრებოდნენ სკოლის დირექცია და მშობლები.

2016 -17 სასწავლო წლის პირველ სემესტრში ჩატარებული რეიტინგული წერების მიხედვით, სკოლა „კანდიდმა“ გამოავლინა მოსწავლები, რომლებმაც აჩვენეს მაღალი შედეგები და შევიდნენ „ოქროს რეიტინგში“.
აღსანიშნავია რომ სკოლას ასევე ყავდა „ვერცხლის“ და „ბრინჯაოს“ რეინგოსანი მოსწავლეებიც.
მშობლებს დირექციის მხრიდან გადაეცათ „მადლობის ფურცლები“ მასწავლებლებთან ერთად გაწეული შრომისა და თანადგომისათვის და ასევე მოსწავლეების მიერ ხელით შექმნილი „მისალოცი ბარათები“ სადაც ისინი დედის დღეს ულოცავდნენ საკუთარ დედებს.
გთავაზობთ წარჩინებულ მოსწავლეთა სიას:

ნაციონალური ბიზნეს-რეიტინგების კავშირის კვლევის თანახმად,სკოლა „კანდიდი“ საქართველოს ლიდერ საწარმოთა ტოპ ასეულში „ოქროს რეიტინგით“ მე-11 ადგილს, ხოლო თბილისის ლიდერ საწარმოთა ტოპ სამოცეულში „ოქროს რეიტინგით“ მე-8 ადგილს იკავებს.
შედეგი საკმაოდ შთამბეჭდავი აღმოჩნდა, რაც სკოლის მზარდი რეიტინგისა და დიდი პოტენციალის მორიგი დასტურია.
სკოლის ადმინისტრაცია უზიარებს ამ „გამარჯვებას“ სასკოლო საზოგადოებას და თვლის , რომ ეს გამარჯვება ერთობლივი შრომის შედეგია. წარმატებები ვუსურვოთ ჩვენს პედაგოგებს და ადმინისტრაციას!