მარტის თვის განმავლობაში, ჩვენი სკოლის მოსწავლეები (VIII ა, I გ, VI გ , IV ა) "სადამრიგებლო აქტივობის" ფარგლებში, იმყოფებოდნენ „ილუზიების მუზეუმში“.

5 აპრილს სკოლა "კანდიდში" გაზაფხულის მოსვლასთან დაკავშირებით ჩატარდა პროექტი - "გაზაფხული შემოსულა ლენ ". პროექტის ორგანიზატორი გახლდათ, ბიბლიოთეკარი - ქალბატონი ნანა ურდულაძე. პროექტი წარმოადგინეს მესამე კლასის მოსწავლეებმა (პედაგოგები - ნინო ფარსმანიშვილი, ირმა გურგენიძე, ნინო ხმალაძე).

28 მარტს მოსწავლეები, (III ა, III ბ და III გ კლასი) იმყოფებოდნენ, თბილისის სახალისო მეცნიერებათა მუზეუმ ,,ექსპერიმენტორიუმში“. სადაც დაათვალიერეს უამრავი ინტერაქტიული ექსპონატი. მათ ასევე მიეცათ საშუალება, ექსპერიმენტები უშუალოდ გამოეცადათ, რაც მათთვის განსაკუთრებით საინტერესო აღმოჩნდა.

სკოლა „კანდიდი“, უკვე რამდენიმე წელია, აქტიური მონაწილეა იმ საგნობრივი ოლიმპიადებისა, რომელსაც საგანმანათლებლო ორგანიზაცია "კინგსი" ახორციელებს. გამონაკლისი არც 2018-2019 სასწავლო წლის შემოდგომის სეზონი ყოფილა.

25 მარტს, სკოლა „კანდიდის“ I გ კლასის მოსწავლეები (დამრ: ე. ჯანეზაშვილი) ესტუმრნენ "ბარამბოს" ტკბილეულის მწარმოებელ კომპანიას, რომელიც 2009 წლიდან აწარმოებს, სხვადასხვა სახის საკონდიტრო და ტკბილეულის პროდუქციას. საწარმოს ანალოგი არ ჰყავს ამიერკავკასიაში: მასშტაბით, ხარისხით და წარმოების ტექნოლოგიით.

26 მარტს VI ბ კლასის მოსწავლეები, დამრიგებელთან ერთად, იმყოფებოდნენ საქართველოს ეროვნულ არქივში, სადაც გაიმართა აღდგენილი ქართული მულტიპიკაციური ფილმების ჩვენება. ბავშვებმა ნახეს ცხრა მულტიპლიკაციური ფილმი, რომელთაგან უმეტესობა ნანახი არ ჰქონდათ, სწორედ ამიტომ, მათთვის აღნიშნული ვიზიტი მეტად საინტერესო აღმოჩნდა.

30 მარტს VI კლასი ესტუმრა Gino Paradise-ს. აღნიშნული აკვაპარკი წარმოადგენს აღმოსავლეთ ევროპაში ერთ-ერთ, ხოლო ამიერკავკასიაში – ერთადერთ, მასშტაბურ წყლის ცენტრს უამრავი ატრაქციონით, 31 მეტრიანი ტობოგანით და დახურული და ღია აუზებით.

ბავშვები ჩაერთნენ "Gino Paradise"-ის ტრენერების მიერ წინასწარ მომზადებულ საგანმანათლებლო და გასართობ აქტივობებში, სადაც მათ უნდა გამოევლინათ გუნდური მუშაობის და თანამშრომლობის უნარები. აღნიშნული აქტივობები ხელს უწყობდა ბავშვების შემეცნებითი უნარების და ფანტაზიის განვითარებას.

საბოლოოდ დღემ მეტად სასიამოვნოდ და საინტერესოდ ჩაიარა. მოსწავლეებმა დრო მხიარულად გაატარეს.

სკოლა „კანდიდის“ თვითმმართველობის წევრები, პროექტის: "ერთი დღე მასწავლებლად" ფარგლებში, უკვე მეორედ შეეცადნენ მოერგოთ მასწავლებლის როლი და ჩაეტარებინეთ სასურველი გაკვეთილი 4 დღის მანძილზე (19 მარტიდან 22 მარტის ჩათვლით), შემთხვევითობის პრინციპით შერჩეულ კლასებში. მონაწილეები პასუხისმგებლობითა და მონდომებით მოეკიდნენ აღნიშნულ დავალებას და დამოუკიდებლად მოამზადეს გაკვეთილებზე შესასრულებელი აქტივობები.

ჩვენი სკოლის მოსწავლეები უკვე რამდენიმე წელია მონაწილეობენ გუნდურ–ინტერექტუალურ თამაშში „ტვინების ბრძოლა“.
გაზაფხულის სეზონის, 2019 წლის შიდასასკოლო ჩემპიონატი ჩატარდა შაბათს, 16 მარტს, სადაც მონაწილეობა მიიღო საბაზო და საშუალო საფეხურის მოსწავლეებმა. მეორე ასაკობრივ კატეგორიაში შეიკრიბა ცხრა გუნდი, ხოლო მესამე ასაკობრივ კატეგორიაში შვიდი, თითოეული გუნდი ოთხი მონაწილით და ერთი კაპიტანით იყო დაკომპლექტებული.

გრძელდება, სკოლა „კანდიდის“ IV ა კლასის "მშობელთა ჩართულობის პროექტით" გათვალისწინებული გაკვეთილების ჩატარება. ამჯერად ჩვენი კლასის სტუმარი გახლდათ გაბრიელ კვიციანის და - მეექვსე კლასის მოსწავლე მარიამ კვიციანი.
გაკვეთილის თემა იყო: "ჯანსაღი კვება". საგაკვეთილო პროცესი, მეტად საინტერესოდ და სახალისოდ წარიმართა, ყველა მოსწავლე გულისყურით ისმენდა მარიამის მიერ მოწოდებულ სასარგებლო ინფორმაციას და აქტიურად იყო ჩართული მის მიერ წინასწარ მომზადებულ აქტივობებში.
დიდი მადლობა, მარიამს, საინტერესო და აქტივობებით დატვირთული გაკვეთილისთვის!