25 იანვარს ჩატარდა ღია გაკვეთილი თემაზე "ფიგურები",მოსწავლეებიმა შეასრულეს ფიგურებით მოცემული სურათი, დააჯგუფეს და შეინახეს. გაკვეთილი დაგეგმილი იყო ეროვნული სასწავლო გეგმის შესაბამისად ,რომლის მიხედვითაც ინფორმაციულ საკომუნიკაციო ტექნოლოგიების სწავლების მიზანია მოსწავლეს დაწყებით საფეხურზე განუვითარდეს კომპიუტერთან მუშაობის უნარ-ჩვევები, რაც მოსწავლეებს შესაძლებლობას აძლევს თავად შექმნან ელექტრონული რესურსები.
მოსწავლეები აქტიურად იყვნენ ჩართულნი გაკვეთილის ახსნის პროცესში აკავშირებდნენ ფაქტებს და მოვლენებს ერთმანეთთან. მათ შეძლეს შესრულებული ნამუშევრის ამობეჭდვა პრინტერის საშუალებით,რამაც ხელი შეუწყო ახალი მასალის უკეთ გაგებაში.

17 ნოემბერს მოსწავლეები იმყოფებოდნენ მთაწმინდის პანთეონში და ხელოვნების მუზეუმში. ბავშვებმა იაკობ გოგებაშვილის საფლავთან წარმოთქვეს მისი მოთხრობები და ლექსები. ხელოვნების მუზეუმში მოინახულეს არქეოლოგიური აღმოჩენები, ძველი ოქრომჭედლობა და კავკასიური ტანისამოსი.

2 ნოემბერს, მე–2 გ კლასში დაიწყო მშობელთა ჩართულობა. მარიამ ნევსკის მშობელმა, სალომე ჩახუნაშვილმა გააკეთა პრეზენტაცია ჟურნალისტიკის სფეროზე

24.10.2017 მე–2 გ კლასის მოსწავლეები იმყოფებოდნენ მერაბ ბერძენიშვილის სახელობის კულტურულ ცენტრ ,,მუზაში“. მათ ნახეს სპექტაკლი ,, კარლსონი“.

ახალი წელი ახალი იმედების, სურვილების ასრულების, ოცნებების ფრთაშესხმის მოლოდინია.
ასაკობრივი სხვაობის მიუხედავად, ყველა ელოდება საუკეთესო სიახლეებს.
სკოლა „კანდიდში“ ხელოვნების მასწავლებლის, ნინო არონიას ხელმძღვანელობითა და სკოლის თვითმმართველების ინიციატივით, მოსწავლეებმა ნახატებითა და გირლანდებით გააფორმეს საკლასო ოთახის კარებები, დერეფანი, საკუთარი ხელით შექმნეს ნაძვის ხის სათამაშოები, ჯამბაზები, მოცეკვავე თოვლის ბაბუები.
ათასფერად მოირთო და განათდა სკოლა. წინასაახალწლო ფაციფუცმა და მზადებამ ამაღლებული, საზეიმო განწყობა შექმნა.

გაკვეთილი " სუდოკუს" თემაზე ჩაატარა ლუკა ავსაჯანიშვილის მამიდამ ქ-ნმა ნინო ავსაჯანიშვილმა.

დიდი ქართველი მწერლების აკაკის, ილიას და იაკობის ცხოვრებისა და მოღვაწეობის უკეთ შესწავლისთვის 3 ა , 3 ბ და 3 გ კლასების დამრიგებლებმა - ეკატერინე ხმალაძემ, რუსუდან ალიბეგაშვილმა და მირანდა კეშელავამ ჩაატარეს შემეცნებით-გაცნობითი ღონისძიება. მოსწავლეებს მიეწოდათ დამატებითი ინფორმაცია მწერლების შესახებ, ისინი აქტიურად იყვნენ ჩართული, მოიძიეს და ნახატების სახით წარმოადგინეს ხსენებული მწერლების შემოქმედება. მოხდა ფილმის ჩვენება დარბაზში, რომელსაც მოსწავლეებმა დიდი ინტერესით ადევნეს თვალი. ფილმის ჩვენების მერე ერთმანეთს გაუზიარეს შთაბეჭდილებები.

23 ოქტომბრიდან დაიწყო ბოულინგის კლუბის ლებოვსკის სასკოლო ტურნირები, რომელშიც მონაწილეობას იღებდა 1000-მდე 8-12 კლასის მოსწავლე.ხოლო სპონსორობას უწევდა ლიმონათი ზედაზენი. სასწავლო წლის დასაწყისისთვის ეს იყო ძალიან მაგარი სიახლე, The DUDE სკოლის მოსწავლეებს მასპინძლობდა.
ტურნირი უზომოდ დიდი ემოციით წარიმართა. უკვე მეორე წელია, რაც სკოლა ,,კანდიდი“ იღებს მონაწილეობას ამ ტურნირში.შეიქმნა გუნდები,რომლებიც 5-5 მოსწავლით დაკომპლექტდა,ბევრი მათგანი კი ძალიან ნიჭიერი და კარგი მოთამაშე აღმოჩნდა.

2017 წლის 29 დეკემბერს Iბ კლასმა ირმა გურგენიძის ხელმძღვანელობით დადგა სპექტაკლი ,,საახალწლო საჩუქარი" . ბავშვებმა გამოავლინეს შემოქმედებითი უნარები, იცეკვეს,იმღერეს, ლექსებით მიულოცეს დამსწრე საზოგადოებას დამდეგი შობა-ახალი წელი.

სკოლა კანდიდში ფსიქოლოგთან და სამოქალაქო განათლების მასწავლებელთან თანამშრომლობით სისტემატიური ხასიათი აქვს იმ პრობლემებზე მსჯელობას,რომლებიც ასე აქტუალური გახდა ჩვენს ქვეყანაში.სკოლა ცდილობს,მოზარდებს უჩვენოს სწორი გზა იმ სირთულეების დასაძლევად,როგორიცაა -ბულინგი სკოლაში.
ამ მიზნით ყველა კლასში ვაჩვენეთ მოკლემეტრაჟიანი შემეცნებითი ფილმი ბულინგის თემაზე.მასში კარგად არის ნაჩვენები ის პრევენციული ზომები,რომელთა მიღების შემთხვევაში თავიდან ავიცილებთ ამ პრობლემებს. ფილმის ჩვენების მიზანი იყო მოსწავლეებში ემპათიის გრძნობის განვითარება,სხვისი გრძნობების გათავისება.იმის გაცნობიერება ,რომ სხვას მოექცნენ ისე ,როგორც ისურვებდნენ რომ მას მოქცეოდნენ.კომუნიკაციური უნარების განვითარება კი სწორად წარმართული სასკოლო მუშაობის შედეგია,რაც სკოლა კანდიდის პრიორიტეტია