მე–2 გ კლასის მოსწავლეებმა, დამრიგებელ ნინო ხმალაძესთან ერთად, იმოგზაურეს კახეთში, ექსკურსიის მიზანი იყო მოსწავლეებს თავად შეეგრძნოთ ბარაქიანი შემოდგომა. ისინი იმყოფებოდნენ რთველში, მონაწილეობა მიიღეს ყურძნის კრეფაში, ნახეს თათარაობის პროცესი და თავად ამოავლეს ჩურჩხელები. მოსწავლეები გაეცნენ თექის დამუშავების ტექნოლოგიას და დაამზადეს თექისგან სხვადასხვა ნამუშევრები. გზა გაგრძელდა სიღნაღში, სადაც გაეცნენ სიღნაღის ღირშესანიშნაობებს და დატკბნენ ალაზნის ველის ულამაზესი ხედებით. მოსწავლეებმა მოინახულეს ასევე ბოდბის მონასტერი, მოილოცეს წმინდა ნინოს საფლავი . და ბოლოს ჩატარდა მასწავლებლის მიერ მინი ლექცია წმინდა ნინოს ცხოვრებაზე და ქრისტიანულ მოღვაწეობაზე.

მადლობას ვუხდით 4ა კლასის (დამრიგებელი ნინო ქობულაშვილი) მოსწავლის სანდრო ხარებაშვილის მშობელს-ლელა ხარებაშვილს, რომელმაც შემოგვთავაზა აქტივობა თემაზე - "რელიგია და საზოგადოება".

მე-3ბ კლასში დაიწყო მშობელთა ჩართულობით გაკვეთილების ჩატარება და პროფესიების გაცნობა... დღევანდელი დღის გმირი იოანე წიკლაურის დედა ჯუნა გაბიდაური გახლდათ. ის ბავშვებს ესაუბრა თავისი პროფესიის შესახებ.დღეიდან ყველას პოლიციელობა უნდა . . .
დამრიგებელი- რუსუდან ალიბეგაშვილი

დიდი მადლობა III აკლასის მოსწავლის ალექსანდრე კაციას დედას - სოფო ხორავას ძალიან საინტერესო გაკვეთილისთვის -
"Clever stories, opposites words, action verbs and emotion songs for children".
დამრიგებელი - ეკატერინე ხმალაძე

4 გ კლასი - ეთი ჯანეზაშვილი
თემა - 'ხელოვნება"
მშობელი - ვალერი სამადაშვილი

მშობელთა ჩართულობის პროექტის ფარგლებში ძალიან საინტერესო აქტივობა შესთავაზა 3გ კლასს კახი კვესელავას დედამ მაია მიქაცაძემ. გაკვეთილის თემა- "ადამიანის აგებულება".
დამრიგებელი - მირანდა კეშელავა

დიდი მადლობა 1ბ კლასის მოსწავლის ნინო მანუკიანის დედას - ეკა ძიგოევას (დამრიგებელი ირმა გურგენიძე) და შინაგან საქმეთა სამინისტროს თანამშრომელს ნინო ღვინიანიძეს საინტერესო აქტივობებისთვის
გაკვეთილის თემა გახლდათ:
1.მართლწესრიგისა და უსაფრთხოების საკითხებზე მოზარდების ცნობიერების ამაღლება.
2.უსაფრთხოების თემატიკასა და საგანგებო სიტუაციების დროს მოქმედების შესახებ.

დიდი მადლობა 3ა კლასის მოსწავლის კოტე ტყეშელაშვილის მშობლებს თიკო და ბესო ტყეშელაშვილებს (დამრიგებელი-ეკატერინე ხმალაძე) ძალიან საინტერესო აქტივობისთვის.
თემა- "საქართველო და ტურიზმი"
მიზანი-საქართველოს კუთხეების საფუძვლიანი გაცნობა, ტურიზმის მნიშვნელობის გააზრება და ასევე ბუნების დაცვის საკითხებზე მოზარდების ცნობიერების ამაღლება.

2017 წლის 12 ოქტომბერს სკოლა ,,კანდიდში“ ჩატარდა თვითმმართველობის არჩევნები მე-7 -12 კლასებში. მოსწავლეთა თვითმმართველობის წევრობის სურვილი გამოთქვა 41 მოსწავლემ და შესაბამისად გაიარა რეგისტრაცია, რომელსაც წინ უძღოდა კლასებში კანდიდატების მიერ წარმოდგენილი სამოქმედო გეგმების განხილვა და კითხვარების შევსება.

ოქტომბრის თვეში IV ა კლასმა- დამრიგებელი ნინო ქობულაშვილი- თბილისის გარდენიეში ჩაატარა "მწვანე გაკვეთილი". მოსწავლეები გაეცნენ სხვადასხვა ჯიშის მცენარეებს და მათი მოვლის გზებს, მწვანე საფარის მნიშვნელობას ადამიანის ჯანმრთელობისათვის. მათ ქოთნებში გადარგეს ყვავილი კალანხოე.