სკოლა „კანდიდის“ თვითმმართველობის წევრები, პროექტის: "ერთი დღე მასწავლებლად" ფარგლებში, უკვე მეორედ შეეცადნენ მოერგოთ მასწავლებლის როლი და ჩაეტარებინეთ სასურველი გაკვეთილი 4 დღის მანძილზე (19 მარტიდან 22 მარტის ჩათვლით), შემთხვევითობის პრინციპით შერჩეულ კლასებში. მონაწილეები პასუხისმგებლობითა და მონდომებით მოეკიდნენ აღნიშნულ დავალებას და დამოუკიდებლად მოამზადეს გაკვეთილებზე შესასრულებელი აქტივობები.

ჩვენი სკოლის მოსწავლეები უკვე რამდენიმე წელია მონაწილეობენ გუნდურ–ინტერექტუალურ თამაშში „ტვინების ბრძოლა“.
გაზაფხულის სეზონის, 2019 წლის შიდასასკოლო ჩემპიონატი ჩატარდა შაბათს, 16 მარტს, სადაც მონაწილეობა მიიღო საბაზო და საშუალო საფეხურის მოსწავლეებმა. მეორე ასაკობრივ კატეგორიაში შეიკრიბა ცხრა გუნდი, ხოლო მესამე ასაკობრივ კატეგორიაში შვიდი, თითოეული გუნდი ოთხი მონაწილით და ერთი კაპიტანით იყო დაკომპლექტებული.

გრძელდება, სკოლა „კანდიდის“ IV ა კლასის "მშობელთა ჩართულობის პროექტით" გათვალისწინებული გაკვეთილების ჩატარება. ამჯერად ჩვენი კლასის სტუმარი გახლდათ გაბრიელ კვიციანის და - მეექვსე კლასის მოსწავლე მარიამ კვიციანი.
გაკვეთილის თემა იყო: "ჯანსაღი კვება". საგაკვეთილო პროცესი, მეტად საინტერესოდ და სახალისოდ წარიმართა, ყველა მოსწავლე გულისყურით ისმენდა მარიამის მიერ მოწოდებულ სასარგებლო ინფორმაციას და აქტიურად იყო ჩართული მის მიერ წინასწარ მომზადებულ აქტივობებში.
დიდი მადლობა, მარიამს, საინტერესო და აქტივობებით დატვირთული გაკვეთილისთვის!

პროექტ "მშობელთა ჩართულობა სასკოლო ცხოვრებაში"–ს ფარგლებში 2019 წლის 5 მარტს III ბ კლასის მოსწავლის, მარიამ ბარკალაიას, დედამ – ნინო ცხვიტავამ და მისმა მეგობარმა თამთა გრიგოლიამ, ჩაატარეს გაკვეთილი, თემაზე: "გამოჩენილი ადამიანები". საგაკვეთილო პროცესი მეტად საინტერესოდ წარიმართა, რადგან მოსწავლეები გულისყურით ისმენდნენ ცნობილი და წარმატებული ადამიანების ისტორიებს. გაკვეთილს ქონდა ინტერაქციული ხასიათი, ბავშვებმა თავადაც ისაუბრეს, მათთვის ცნობილ და მისაბაძ, გამოჩენილ ადამიანებზე, როგორც თანამედროვეობიდან, ასევე ისტორიული წარსულიდან.

დიდ მადლობას ვუხდით ქალბატონ ნინოს და ქალბატონ თამთას ასეთი ინფორმატიული და მრავლისმომცემი გაკვეთილის ჩატარებისთვის!

სკოლა „კანდიდი“-ს მე-7 კლასის მოსწავლეები ჩაერთნენ პროექტში „კლასიკური მუსიკა ბავშვებს“ და გამოთქვეს მზაობა 2019წლის 3-მარტს დასწრებოდნენ საბალეტო სპექტაკლს -„ლაურენსია“. მოსწავლეებმა წინასწარ მოიძიეს ინფორმაცია ზოგადად ბალეტის შექმნის შესახებ და კონკრეტულად ქართული ბალეტის შესახებ, ქართული საბალეტო სკოლის ლეგენდად ქცეული კორიფეების: ვერა წიგნაძისა და ვახტანგ ჭაბუკიანის შესახებ და სპექტაკლის შემდეგ პატივი მიაგეს ვერა წიგნაძის საფლავს. სწორედ ვერა წიგნაძისა და ვახტანგ ჭაბუკიანის მონაწილეობით 1948წ. შედგა ამ ბალეტის პრემიერა თბილისის ოპერისა და ბალეტის თეატრში. დაათვალიერეს საოპერო თეატრის შენობა, ლეგენდად ქცეული აღდგენილი ფარდა, და შემდეგ დიდი აქტიურობით ჩაერთნენ სპექტაკლის მსვლელობაში. ნანახმა მოლოდინს გადააჭარბა. ბალეტის სიუჟეტს მუსიკა და ქორეოგრაფია საოცარი სინქრონულობით გადმოსცემდა, რასაც კიდევ უფრო აღრმავებდა მხატვარ სოლომონ ვირსალაძის კოსტიუმები, რომლის აღდგენა საბალეტო დადგმის გათვალისწინებით 2017წ. განახორციელა საბალეტო დასის ხელმძღვანელმა - ნ. ანანიაშვილმა.

..