"კანდიდი"- სწორედ ის ადგილია, სადაც ჩემი ცხოვრების საუკეთესო 12 წელი გავატარე. თამამად შემიძლია ვთქვა, რომ კანდიდი ასოცირდება არამხოლოდ სკოლასათან, არამედ ერთ დიდ, ძალიან თბილ ოჯახთან, რომელმაც ჩემს აღზდაში დიდი როლი ითამაშა. აქ, სათანადო ცოდნასთან ერთად, შევიძინე უამრავი მეგობარი და ვისწავლე ,თუ როგორ ჩამოვყალიბებულიყავი პიროვნებად.ალბათ, არასდროს დამავიწყდება სკოლაში გატარებული დღეები, ის მოგონებები, რომლებიც ჩემს ბავშვობასთან ასოცირდება,კარნავალის წინ სკოლის დარბაზში გათენებული ღამეები, რომლებიც ახლა ღიმილით მახსენდება.

სკოლის წლები, ალბათ, ყველაზე მნიშვნელოვანი პერიოდი აადამიანის ცხოვრებაში. ამ დროს ყალიბდები პიროვნებად.ამ დროს ეცნობი სამყაროს ავკარგიანობას. ამ დროს გტკივა და ამ დროს გიხარია. შენი თინეიჯერობის უმეტესი მოგონებებიც შენს სკოლასთან არის დაკავშირებული. ადგილთან, რომელიც დიდ კვალს ტოვებს და რაღაც განსაკუთრებულ შეგრძნებებს აღძრავს შენში რა დროც არ უნდა გავიდეს.

სკოლა არის ადგილი,სადაც ბავშვი პიროვნულად ყალიბდება,იძენს ინტერესებს,სწავლობს ადამიანებთან ურთიერთობასა და თავს იმკვიდრებს საზოგადოებაში. ამიტომ, დიდი სიფრთხილე სჭირდება კარგი და სასარგებლო გარემოს შერჩევას.

„Flex“-მომავალი ლიდერების გაცვლითი პროგრამა ამერიკაში.,,ფლექსი”ყოფილი საბჭოთა კავშირის ქვეყნების,მათ შორის ქართველი მოსწავლეებისთვის განკუთვნილი გაცვლითი პროგრამაა, რომლის გამარჯვებულებიც 1 წლით მიემგზავრებიან ამერიკის შეერთებულ შტატებში,სადაც სწავლობენ სხვადასხვა ინგლისურენოვან სკოლებში და ცხოვრობენ მასპინძელ ოჯახებში. მათ ამერიკულ ცხოვრებას მთლიანად უზრუნველყოფს ამერიკის მთავრობა.კონკურსში მონაწილეობა შეუძლიათ ნებისმიერი სკოლის IX, X და XI კლასის მოსწავლეებს. აღსანიშნავია,რომ წელს სკოლა „კანდიდის“ მოსწავლე ნინო თათენაშვილი მიემგზავრება ამერიკაში. მან საკმაოდ რთული და საინტერესო გზა განვლო გამარჯვებამდე!

"ჩემი სკოლა ჩემი მეორე ოჯახია" დრო ძალიან სწრაფად გავიდა... თითქოს გუშინ იყო სკოლაში პირველად რომ შევაბიჯე და აგერ უკვე აბიტურიებტი ვარ. ბავშვობის წლები თითქმის მიილია. მალე დავემშვიდობები სკოლის მოსწავლის სტატუსს და ახალ რეალობაში გადავინაცვლებ. რაც უფრო ახლოვდება საატესტატო და ერთიანი ეროვნული გამოცდების ციებ-ცხელება, მით მეტად მიმძაფრდება გასული წლების ნოსტალგია და სკოლის სიყვარული. მერწმუნეთ, რთულია იმ კომფორტსა და სითბოსთან შელევა, რომელიც სკოლა "კანდიდში" სუფევს. აქ ხომ ყველა პირობაა შექმნილი საუკეთესო განათლების მისაღებად, საკუთარი უნარების წარმოსაჩენად და ღირსეულ პიროვნებად ჩამოყალიბებისთვის. პედაგოგები სულსა და გულს დებენ თითოეულ მოსწავლეში. სასკოლო საგნებთან ერთად სიყვარულს, ერთგულებას, სხვისი აზრის პატივისცემას, თანაგრძნობასა და თანადგომას , გვასწავლიან. ჩვენი სკოლა ნამდვილად ეხმარება მოსწავლეებს ლიბერალურ და დემოკრატიულღირებულებებზე დამყარებული ცნობიერების ჩამოყალიბებაში.სწორედ ამ გარემოებათა ერთობლიობის შედეგია სხვადასხვა აქტივობებში, სასკოლო და სპორტულ ოლიმპიადებსა თუ სამუსიკო ფესტივალებზე წარმატებული მოსწავლეების სიმრავლე, წარჩინებული კურსდამთავრებულები. ჩემი სკოლა ერთი დიდი ოჯახია, სადაც საქართველოს ღირსეულ მომავალს უზრდიან. აქ ყველანი, ყოფილი თუ ამჟამინდელი მოსწავლე და მასწავლებელი, სიამაყით ვატარებთ ნამდვილი "კანდიდელის" სახელს.