მოსწავლეთა თვითმართველობის ინიციატივით სკოლაში „ხელოვნების კლუბი“ დაარსდა. კლუბის მიზანია ლიტერატურული, შემოქმედებითი და მხატრული მიმართულებით მოსწავლეთა ცნობიერების ამაღლება, გლობალური და პლურალისტური აზროვნების განვითარება და სრულყობა. 8 დეკემბერს კლუბის პირველი შეხვედრა გაიმართა, რომელშიც ჩართული იყვნენ ხელოვნების, მუსიკისა და ქართული ენის პედაგოგები. შეხვედრაზე წარმოდგენილი იყო პრეზენტაცია არტ–ფაქტების, წყაროების განხილვითა და ანალიზით. „ხელოვნების კლუბის“ პირველი შეხვედრა მოსწავლეებისთვის მეტად საინტერესო და შემეცნებითი აღმოჩნდა.

მოსწავლეთა თვითმართველობის ინიციატივით სკოლაში „კინოკლუბი“ დაარსდა, რომელიც სხვდასხვა საფეხურის და ასაკის მოსწავლეებისგან დაკომპლექტდა. დღეის მდგომარეობით უკვე 2 შეხვედრა შედგა, ნაჩვენები იყო შემდეგი ფილმები: „მკვდარი პოეტების საზოგადოება“ და "გენიოსი ვილ ჰანტინგი“, რასაც აქტიური მსჯელობა და დისკუსია მოჰყვა. კინოკლუბის იდეამ და შემდგომმა განვითარებამ მოსწავლეეებში მაღალი ინტერესი გამოიწვა.

მოსწავლეთა თვითმართველობის ინიციატივით სკოლაში „ხელოვნების კლუბი“ დაარსდა. კლუბის მიზანია ლიტერატურული, შემოქმედებითი და მხატრული მიმართულებით მოსწავლეთა ცნობიერების ამაღლება, გლობალური და პლურალისტური აზროვნების განვითარება და სრულყობა. 8 დეკემბერს კლუბის პირველი შეხვედრა გაიმართა, რომელშიც ჩართული იყვნენ ხელოვნების, მუსიკისა და ქართული ენის პედაგოგები. შეხვედრაზე წარმოდგენილი იყო პრეზენტაცია არტე–ფაქტების, წყაროების განხილვითა და ანალიზით. „ხელოვნების კლუბის“ პირველი შეხვედრა მოსწავლეებისთვის მეტად საინტერესო და შემეცნებითი აღმოჩნდა.

კანდიდი - რამდენს იტევს ეს პატარა სიტყვა, პატარა სახლი დიდი ოჯახით, მაგრამ ულევი სიყვარულითა და სითბოთი. ეს არის ადგილი, სადაც ყოველთვის ბედნიერი ხარ, შესაძლებლობა, რომელიც ყოველთვის გეხმარება წინსვლაში, ოჯახი, რომელიც მუდამ შენს გვერდითაა. იგი არასდროსაა მხოლოდ სკოლა იგი ბევრად მეტია. განათლების გარდა, აქ ვითარდები შემოქმედებითად, იძენ საუკეთესო პიროვნულ თვისებებს და არაჩვეულებრივ მეგობრებს.

მე კანდიდელი ვარ! იმ პატარა და თბილი ოჯახის წევრი, რომელსაც კანდიდი ჰქვია. აქ გავიზარდე, ჩამოვყალიბდი პიროვნებად, ვისწავლე პრობლემის გადაჭრის მარტივი და სწრაფი გზები და რაც მთავარია, მივიღე განათლება, რომელიც ნებისმიერი ადამიანისთვის მნიშვნელოვანია. ამბობენ, სკოლა ის ადგილია,სადაც ცხოვრების საუკეთესო მომენტებს აგროვებ და თვალისჩინივით უფრთხილდები,რათა მეხსიერებიდან არასდროს ამოიშალოს და გახსენებისას ღიმილი მოგგვაროსო. მეთერთმეტე კლასში,როდესაც აბიტურიენტობას მივუკაკუნე, მივხვდი,რომ სკოლის წლების შეგრძნება თითქოს სასიცოცხლოდ მნიშვნელოვანია, მითუმეტეს თუ ჩემსავით ნოსტალგიური ადამიანი ხარ. სწორედ კანდიდი მეხმარებოდა ამ ყველაფერში, თუნდაც გასვლითი ღონისძიებებით, კარნავალითა და უამრავი საინტერესო დღით, რომელსაც მე აქ, კანდიდში ვატარებდი. ვიცი, რომ სკოლაში მისვლისას ისევ ისეთი სითბო და სიყვარული დამხვდება,როგორიც დავტოვე და ვიცი, რომ მე დღესაც კანდიდელი ვარ! ეს ყოველთვის ასე იქნება. როგორც მაია მასწი იტყოდა -" ყოფილი კანდიდელი არ არსებობს.“ დიახ, მთავარია ერთხელ შეაბიჯო ამ სივრცეში და შენ ეს სტატუსი ცხოვრების ბოლომდე გაგყვება!

ხშირად ამბობენ, ყველაფერს მაშინ უფრო მეტად აფასებ, როდესაც უკვე მასთან აღარ ხარო. არასდროს მჯეროდა ამ სიტყვების, მაგრამ ჩემი ”კანდიდისგან” შორს ყოფნამ უკეთ გამააზრებინა, თუ რას წარმოადგენს ეს პატარა, თბილი და შეუფასებელი ადგილი ჩემთვის. როდესაც ”კანდიდის” კედლებში ვატარებდი ჩემი ყოველდღიურობის უდიდეს ნაწილს ვგრძნობდი, რომ ეს ადგილი ჩემთვის სკოლაზე მეტი იყო. დიახ, ”კანდიდს” თამამად ვუწოდებ ჩემს ოჯახს. იმ ოჯახს, რომელმაც საუკეთესო განათლების მოცემასთან ერთად, პიროვნებად ჩამომაყალიბა. მასწავლა რას ნიშნავს იყო ღირსეული პიროვნება, რა გჭირდება მომავლის საშენებლად ,იგი 12 წლის განმავლობაში ყოველდღე სათითაო აგურს მაწვდიდა.

სკოლა „კანდიდი“ VII და VIII კლასის მოსწავლეებს ინტელექტუალური კონკურსის „ტვინების ბრძოლის“ მეორე რეგიონალურ ტურში გამარჯვებას ულოცავს! ინტელექტუალური კონკურსის მეორე ეტაპზე წარმოდგენილი სკოლებიდან, გლდანი– ნაძალადევის რაიონში გამარჯვებული 13 გუნდიდან, 3 კანდიდელია!
სკოლის ადმინისტრაცია კიდევ ერთხელ ულოცავს გამარჯვებულ გუნდებს და კიდევ უფრო დიდ წარმატებას უსურვებს მომდევნო საერთაშორისო ეტაპზე!

რეგიონალურ ეტაპზე გამარჯვებულ გუნდებს შორის არიან VII და VIII კლასები, გუნდი „გიკები“, გუნდი „ევერესტი“ და გუნდი „ბერმუდის სამკუთხედი“.

#გააზიარეწარმატება!
#ჩვენ გვიყვარს კანდიდი!

მოსწავლე გამომგონებელთა და მკვლევართა კონკურსის „ლეონარდო და ვინჩის“ ფინალისტი, სკოლა „კანდიდის“ კურსდამთავრებული, ივერი ჯაჯანიძე თიბისი ბანკის რჩეულია, რომელსაც ერთწლიანი სტიპენდია დაენიშნა.
სკოლა „კანდიდი“ ულოცავს ივერს ამ წარმატებას

ცნობილი ქართველი მოქანდაკის ელგუჯა ამაშუკელის 90 წლის იუბილეს აღსანიშნავად TBS ბანკის საგამოფენო დარბაზში მოეწყო მისი ნამუშევრების გამოფენა. სკოლა " კანდიდის" VIIIა კლასის მოსწავლეები, დამრიგებელ მაგდა გიორგბერიძესთან ერთად, იმყოფებოდნენ გამოფენაზე, სადაც დაათვალიერეს მოქანდაკის ცნობილი ნამუშევრების ასლები. გამოფენის დასასრულს კი, მონაწილეობა მიიღეს საინტერესო ინტერაქტიულ აქტივობაში.

ამბობენ წელიწადის ყველა დროს თავისი ხიბლი აქვსო,მაგრამ შემოდგომა განსაკუთრებით გამოირჩევა- თბილი ფერებითა და ფოთოლცვენით!...
დაწყებითი საფეხურის სკოლაში 10 ნოემბერს გაიმართა ,,შემოდგომის ფესტივალი 2018“. პროგრამა მეტად მრავალფეროვანი აღმოჩნდა და ერთ სივრცეში აერთიანებდა III-IV კლასის მოსწავლეებს, მათ მშობლებსა და პედაგოგებს. სკოლის ეზო შემოდგომის ნობათით და ფერებით მოირთო, წარმოდგენილი იქნა საქართველოს სხვადასხვა კუთხეები, ფოლკლორული, ეთნოგრაფიული, კულინარიული და რეწვის ნიმუშები. მოდუღდა თათარა და ამოევლო ჩურჩხელები. სტუმრებს მრავალფეროვანი სანახაობა წარმოუდგინეს დაწყებითი საფეხურის მოსწავლეებმა, სცენაზე გამოჩნდა თოჯინების თეატრიც.
დღეს ხალისიანად უძღვებოდაა ჩვენი სკოლის პედაგოგი ეთი ჯანეზაშვილი.