3 თებერვალს სკოლაში ჩატარდა ინგლისური ენის მართლწერის ნაციონალური კონკურსის NESC-GE 2018 ადგილობრივი ტური.
კონკურსი ჩატარდა ორ ეტაპად საშუალო და უფროსკლასელი მოსწავლეებისათვის და მასში მონაწილეობა მიიღო 25 მოსწავლემ.
პირველ და მეორე ადგილზე გასული მოსწავლეები ალავიძე ანა (VIII კლ) , ალავიძე გვანცა (VI კლ) , რამაზაშვილი გვანცა (IX კლ) , ბეწუაშვილი სალომე (X კლ) მონაწილეობას მიიღებენ რეგიონალურ ტურში.

2017 -18 სასწავლო წლის პირველ სემესტრში კვლავ გამოვლინდნენ მაღალრეიტინგული მოსწავლეები. დირექციამ საგანგებოდ გამართულ შეხვედრაზე მშობლებს " მადლობის ფურცლები" გადასცა და უჩვენა ვიდეორგოლები, სადაც მოსწავლეები მშობლებს პოზიტიური სიტყვებით მიმართავდნენ.

2018 წლის 9 თებერვალს IV ბ კლასში მასწავლებლის პროფესიული განვითარებისა და კარიერული წინსვლის ფარგლებში პედაგოგმა ირინა ჭანტურიამ ჩაატარა გაკვეთილი მათემატიკაში. გაკვეთილის თემა იყო მთელის ნაწილები - ნახევარი, მეოთხედი, მესამედი. მიზანი - მოსწავლემ შეძლოს ამოიცნოს და დაასახელოს მთელის ნახევარი, მესამედი, მეოთხედი ნაწილები სხვადასხვა მოდელზე; გაკვეთილი მოიცავდა მრავალფეროვან აქტივობებს. იმუშავეს როგორც ჯგუფურად, ასევე ინდივიდუალურად. გაკვეთილმა საიტერესოდ ჩაიარა. ყველა მოსწავლე აქტიურად იყო ჩართული საგაკვეთილო პროცესში.

2018 წლის 2 თებერვალს მე-IIIბ კლასში საგნის მასწავლებელი :რუსუდან ალიბეგაშვილი- ჩატარდა გაკვეთილი თემაზე,,რიცხვის გამრავლება“ .გაკვეთილის მიზანი იყო მოსწავლეებს შესძლებოდათ ერთი და იმავე რაოდენობის საგნების შემცველი ჯგუფების განხილვა და მათში შემავალი ელემენტების საერთო რაოდენობის დათვლა და გამრავლების დემონსტრირება სხვადასხვა ხერხით,მარტივი საილუსტრაციო ამოცანების განხილვა.

სკოლა "კანდიდში" უსაფრთხოების კვირეულის ფარგლებში სხვადასხვა კლასში ჩატარდა მოსწავლეთა პროექტებით შექმნილი პრეზენტაცია თემაზე "არა ძალადობას, არა ბულინგს",სკოლის მოსწავლეებმა შექმნეს თხზულებები და საპრეზენტაციო მასალა ამ თემასთან დაკავშირებით. ჩამოაყალიბეს საკუთარი დამოკიდებულება, შინაგანი განწყობა,აღნიშნეს, რომ ძალადობის ყოველგვარი გამოვლინება დაუშვებელია.

2017 წლის დეკემბერში სკოლა "კანდიდში" 1-4 კლასებში ჩატარდა კონკურსი მხატვრულ კითხვაში 2 ტურად. გამარჯვებულები გამოავლინა ჟიურიმ, რომლის შემადგენლობაც იყო ასეთი : ქ-ნი მ.ქვრიივიშვილი (სკოლის დირექტორი), ნანა ურდულაძე (ბიბლიოთეკარი), გ.ჩიბირაშვილი (საქმეთამმართველი), მ.კახაია, ი.ჭანტურია (დაწყებითი კლასების პედაგოგები). მე-2 ტურში გადასულ მოსწავლეებს გადაეცათ სიგელები კონკურსში აქტიური მონაწილეობისათვის, ხოლო გამარჯვებულებს - სიგელები მიღწეული წარმატებისათვის და ასევე ფასიანი საჩუქრები - წიგნები.

2017 წლის 29 დეკემბერს, I ა კლასმა წარმოადგინა საახალწლო სპექტაკლი. ბავშვებმა მოირგეს ფუფალას, ქოსატყუილას, ბურატინოს, კარლსონისა და პრინცესა რაპუნცელის როლები. ზეიმი გაფორმებული იყო მუსიკალური ნომრებით, პატარა მსახიობები შესანიშნავად ასრულებდნენ საკუთარ როლებს. სპექტაკლმა მაყურებლებში დიდი აღფრთოვანება გამოიწვია, მათ მქუხარე ტაშით დააჯილდოვეს პატარები.

25 იანვარს ჩატარდა ღია გაკვეთილი თემაზე "ფიგურები",მოსწავლეებიმა შეასრულეს ფიგურებით მოცემული სურათი, დააჯგუფეს და შეინახეს. გაკვეთილი დაგეგმილი იყო ეროვნული სასწავლო გეგმის შესაბამისად ,რომლის მიხედვითაც ინფორმაციულ საკომუნიკაციო ტექნოლოგიების სწავლების მიზანია მოსწავლეს დაწყებით საფეხურზე განუვითარდეს კომპიუტერთან მუშაობის უნარ-ჩვევები, რაც მოსწავლეებს შესაძლებლობას აძლევს თავად შექმნან ელექტრონული რესურსები.
მოსწავლეები აქტიურად იყვნენ ჩართულნი გაკვეთილის ახსნის პროცესში აკავშირებდნენ ფაქტებს და მოვლენებს ერთმანეთთან. მათ შეძლეს შესრულებული ნამუშევრის ამობეჭდვა პრინტერის საშუალებით,რამაც ხელი შეუწყო ახალი მასალის უკეთ გაგებაში.

დღეს სკოლა ,,კანდიდში" საბა დეკანოსიძის დედა ქეთი გოგიბერიძე ,,აფხაზეთი 2"-ის აღსაზრდელებთან ერთად წარსდგა მოსწავლეთა წინაშე თავისი პროფესიით...მადლობა ქეთის ამ ლამაზი დღისთვის
„მუსიკალური აღზრდა – ყველაზე ძლიერი იარაღია,რამეთუ რითმი და ჰარმონია აღწევს ყველაზე დაცულ,სიღრმისეულ და იდუმალ ადგილებს,ადამიანის სულში“.