ტელ: 593221132
skolakandidi@gmail.com

გამოქვეყნებულია 8-05-2017, 11:33
ნინო გიგანი „კანდიდის“საუკეთესო და წარმატებული მოსწავლეა. სულ რაღაც 5 წელია, რაც ჩვენი „დიდი ოჯახის“ სრულიფლებიანი წევრია, მაგრამ მან შეძლო ამ ხნის განმავლობაში საკუთარი შესაძლებლობების მაქსიმუმი ეჩვენებინა.

გამოქვეყნებულია 11-04-2017, 13:13
„Flex“-მომავალი ლიდერების გაცვლითი პროგრამა ამერიკაში.,,ფლექსი”ყოფილი საბჭოთა კავშირის ქვეყნების,მათ შორის ქართველი მოსწავლეებისთვის განკუთვნილი გაცვლითი პროგრამაა, რომლის გამარჯვებულებიც 1 წლით მიემგზავრებიან ამერიკის შეერთებულ შტატებში,სადაც სწავლობენ სხვადასხვა ინგლისურენოვან სკოლებში და ცხოვრობენ მასპინძელ ოჯახებში. მათ ამერიკულ ცხოვრებას მთლიანად უზრუნველყოფს ამერიკის მთავრობა.კონკურსში მონაწილეობა შეუძლიათ ნებისმიერი სკოლის IX, X და XI კლასის მოსწავლეებს. აღსანიშნავია,რომ წელს სკოლა „კანდიდის“ მოსწავლე ნინო თათენაშვილი მიემგზავრება ამერიკაში. მან საკმაოდ რთული და საინტერესო გზა განვლო გამარჯვებამდე!

გამოქვეყნებულია 6-03-2017, 13:02
"ჩემი სკოლა ჩემი მეორე ოჯახია" დრო ძალიან სწრაფად გავიდა... თითქოს გუშინ იყო სკოლაში პირველად რომ შევაბიჯე და აგერ უკვე აბიტურიებტი ვარ. ბავშვობის წლები თითქმის მიილია. მალე დავემშვიდობები სკოლის მოსწავლის სტატუსს და ახალ რეალობაში გადავინაცვლებ. რაც უფრო ახლოვდება საატესტატო და ერთიანი ეროვნული გამოცდების ციებ-ცხელება, მით მეტად მიმძაფრდება გასული წლების ნოსტალგია და სკოლის სიყვარული. მერწმუნეთ, რთულია იმ კომფორტსა და სითბოსთან შელევა, რომელიც სკოლა "კანდიდში" სუფევს. აქ ხომ ყველა პირობაა შექმნილი საუკეთესო განათლების მისაღებად, საკუთარი უნარების წარმოსაჩენად და ღირსეულ პიროვნებად ჩამოყალიბებისთვის. პედაგოგები სულსა და გულს დებენ თითოეულ მოსწავლეში. სასკოლო საგნებთან ერთად სიყვარულს, ერთგულებას, სხვისი აზრის პატივისცემას, თანაგრძნობასა და თანადგომას , გვასწავლიან. ჩვენი სკოლა ნამდვილად ეხმარება მოსწავლეებს ლიბერალურ და დემოკრატიულღირებულებებზე დამყარებული ცნობიერების ჩამოყალიბებაში.სწორედ ამ გარემოებათა ერთობლიობის შედეგია სხვადასხვა აქტივობებში, სასკოლო და სპორტულ ოლიმპიადებსა თუ სამუსიკო ფესტივალებზე წარმატებული მოსწავლეების სიმრავლე, წარჩინებული კურსდამთავრებულები. ჩემი სკოლა ერთი დიდი ოჯახია, სადაც საქართველოს ღირსეულ მომავალს უზრდიან. აქ ყველანი, ყოფილი თუ ამჟამინდელი მოსწავლე და მასწავლებელი, სიამაყით ვატარებთ ნამდვილი "კანდიდელის" სახელს.

გამოქვეყნებულია 24-02-2017, 13:24
ნაციონალური ბიზნეს-რეიტინგების კავშირის კვლევის თანახმად,სკოლა „კანდიდი“ საქართველოს ლიდერ საწარმოთა ტოპ ასეულში „ოქროს რეიტინგით“ მე-11 ადგილს, ხოლო თბილისის ლიდერ საწარმოთა ტოპ სამოცეულში „ოქროს რეიტინგით“ მე-8 ადგილს იკავებს.
შედეგი საკმაოდ შთამბეჭდავი აღმოჩნდა, რაც სკოლის მზარდი რეიტინგისა და დიდი პოტენციალის მორიგი დასტურია.
სკოლის ადმინისტრაცია უზიარებს ამ „გამარჯვებას“ სასკოლო საზოგადოებას და თვლის , რომ ეს გამარჯვება ერთობლივი შრომის შედეგია. წარმატებები ვუსურვოთ ჩვენს პედაგოგებს და ადმინისტრაციას!

გამოქვეყნებულია 8-02-2017, 14:34
ივ. ჯავახიშვილის სახელობის თბილისის სახელმწიფო უნივერსიტეტისა და სანდიეგოს უნუვერსიტეტის ეგიდით ჩატარებულ ოლომპიადაში „მეცნიერების თასი-2017“ გუნდი „კანდიდი-1“ მოხვდა ფინალურ ეტაპზე, სადაც საქართველოს მაშტაბით VI ადგილი დაიკავა.

გამოქვეყნებულია 6-02-2017, 14:09
ორგანიზაცია „მოქალაქემ“ 2016-2017 სასწავლო წელსაც ჩაატარა სამოქალაქო განათლების ოლიმპიადა საქართველოს სკოლების IX-XII კლასების მოსწავლეებისათვის, სადაც მონაწილეობა მიიღო ჩვენმა სკოლის მოსწავლეებმაც. აღნიშნული ოლიმპიადა უკვე მესამედ ტარდება და ის მიზნად ისახავს მოსწავლეებში სამოქალაქო ღირებულებების დამკვიდრებისა და ახალგაზრდების დემოკრატიული საზოგადოების სრულფასოვან წევრებად ჩამოყალიბების ხელშეწყობას. პროექტით განსაზღვრულია ნიჭიერი, მაღალი მოქალაქეობრივი კომპეტენციისა და სოციალურად აქტიური მოსწავლეების გამოვლენა და მხარდაჭერა, ინფორმირებული, აქტიური და პასუხისმგებლობის გრძნობის მქონე მოქალაქეების აღზრდის ხელშეწყობა.
სამოქალაქო განათლების ოლიმპიადის პირველი ტური კომპიუტერულად ჩატარდა და მან მთელი საქართველოს მასშტაბით 2197 გამარჯვებული გამოავლინა, მათშორის არიან ჩვენი სკოლის XI კლასის ნოსწავლეები: ნინო თათენაშვილი , მარიამ მარგებაძე და გურამ თათენაშვილი,მოსწავლეებს გადაეცათ შესაბამისი სერთიფიკატები და სასაჩუქრე ნაკრებები , ხოლო ნინო თათენაშვილი, როგორც მაღალი რეიტინგის მქონე დააჯილდოვა თავად მაია მიმინოშვილმა
სამოქალაქო განათლების ოლიმპიადის მეორე ტური მთელი საქართველოს მაშტაბით 12 თებერვალს სპეციალურად შერჩეულ სკოლებში ჩატარდება, სკოლა „კანდიდი“ წარმატებებს უსურვებს გამარჯვებულ მოსწავლეებს.

გამოქვეყნებულია 19-12-2016, 13:10
სკოლის ადმინისტრაცია ულოცავს სკოლა ,,კანდიდის“ თვითმმართველებს,, USAID’’ მიერ განხორციელებულ პროექტში ,,მოაწყე თვითმმართველობის ოთახი“ მოიპოვებულ გამარჯვებას უსურვებს წარმატებებს და წინსვლას მომავალში.
თვითმმართველობის ოთახის მოეწყო მოსწავლეების შესაძლებლობების მაქსიმალური გამოყენებით და მინიმალური დანახარჯებით. სკოლაში შეიქმნა გარემოს დაცვის კლუბი,ოთახს კი ,,მწვანე ოთახი’’ ეწოდა. მოსწავლეებმა შეიძინეს საჭირო ნივთების დასამზადებელი მასალა და საკუთარი ხელით შექმნეს „მწვანე ოთახისათვის“დეკორაციები, თუ ავეჯი.

გამოქვეყნებულია 10-12-2016, 13:40
“კანდიდელებმა“ კვლავ მიიღეს მონაწილეობა ორგანიზაცია “kings”-ის მიერ ჩატარებულ სასკოლო ოლიმპიადაში და გადავიდნენ მეორე ტურში.

გამოქვეყნებულია 10-12-2016, 12:31
ჩატარდა ორგანიზაცია "Smart Competition" -ის მიერ სასკოლო ოლიმპიადა ქართულ ენასა და ლიტერატურაში და მათემატიკაში. აღნიშნულ ოლიმპიადაში ჩვენი სკოლის მოსწავლეებმა მიიღეს მონაწილეობა, მათ მოიპოვეს სხვადასხვა ხარისხის დიპლომები და სერთიფიკატები:

გამოქვეყნებულია 12-10-2016, 10:02
2015-2016 სასწავლო წელს ,,კანდიდის“ IIIა კლასის მოსწავლემ, გურამ ხორგუანმა “kings” ქართული ენისა და ლიტერატურის ოლიმპიადაზე, საქართველოს მაშტაბით 33 ქალაქში, 62 კინგსელში მეორე ადგილი, ხოლო თბილისის მაშტაბით I ადგილი მოიპოვა. იგი შესაბამისად დაჯილდოვდა ორი დიპლომით (ქალაქისა და საქართველოს გამარჯვებული) და გადაეცა საგზური ანაკლიაში.
გურამი მხოლოდ 8 წლისაა და, ვფიქრობთ, რომ ეს წარმატება აღსანიშნავი და დასაფასებელია, რაც ,ამავე დროს, უტყუარი დასტურია პედაგოგისა და ოჯახის დაუღალავი შრომისა. გვინდა , რომ მომავალი ცხოვრების ასპარეზზე გურამს კიდევ უფრო მეტი წარმატება ვუსურვოთ. ყოველი გამარჯვება წარმატებული მომავლის საწინდარია!

kandidi
გამოკითხვა
მოგწონთ ვებ-გვერდის დიზაინი?
კი
არა

 
ბმულები
არქივი
ოქტომბერი 2019 (2)
სექტემბერი 2019 (4)
ივნისი 2019 (6)
მაისი 2019 (19)
აპრილი 2019 (27)
მარტი 2019 (6)