ჩვენი სკოლის დაწყებითი საფეხურის მოსწავლეებმა, მონაწილეობა მიიღეს ოლიმპიადაში - "Logocmerer". დასკვნით ტურში, წარმატებას მიაღწია: II ბ კლასის მოსწავლემ ანდრია მიქაბერიძემ (პედაგოგი - ირმა გურგენიძე) და II ბ კლასის მოსწავლემ ზვიად ჯალაღონიამ (პედაგოგი - ნინო ჩადუნელი), მათ გადაეცათ II ხარისხის დიპლომები.

2018–2019 სასწავლო წლის პირველ სემესტრში ჩატარებული რეიტინგული წერების მიხედვით, სკოლა „კანდიდმა“ კვლავ გამოავლინა მოსწავლეები, რომლებმაც აჩვენეს მაღალი შედეგები და შევიდნენ „ოქროს რეიტინგში“.
სკოლას წელს ასევე ყავს „ვერცხლის“ და „ბრინჯაოს“ რეიტინგოსანი მოსწავლეები. დირექციის გადაწყვეტილებით წარმატებული მოსწავლეების მშობლებს (ძირითადად მამებს) სამსახურებში, ფოსტის საშუალებით, დაეგზავნათ ტრადიციული „მადლობის ფურცლები“, რომელთაც თან დაერთო კონკრეეტულ მოსწავლეთა დახასიათებები, სადაც პედაგოგებს საკმაოდ ემოციურად და შთამბეჭდავად ქონდათ წარმოდგენილი მოსწავლეთა პიროვნული და აკადემიური მახასიათებლები.

25 აპრილს I ა კლასში პედაგოგმა ნინო ქობულაშვილმა ჩაატარა ღია გაკვეთილი მათემატიკაში.
გაკვეთილის თემა იყო განვლილი მასალის გამეორება. მოსწავლეებმა საგაკვეთილო პროცესში ამოხსნეს მაგალითები – მოახდინეს შეკრება-გამოკლების დამონსტრირება, ამოცანების შედგენა და ამოხსნა თვალსაჩინოების მიხედვით, მიმდევრობის გავრცობა, ასევე, ბრტყელი გეომეტრიული ფიგურების ამოცნობა და დახასიათება

25 აპრილს, ჩვენი სკოლის მე-5 კლასის მოსწავლეები ესტუმრნენ ხალხური სიმღერისა და საკრავების სახელმწიფო მუზეუმს.
ბავშვებმა, ნანახით განამტკიცეს ცოდნა ხალხური საკრავებისა და სიმღერის შესახებ. მათზე დიდი შთაბეჭდილება მოახდინა ვიდეო მასალამ, რომელიც შეეხებოდა საკრავების შექმნის ისტორიას და მათ ჟღერადობას. მოსწავლეებს შესაძლებლობა მიეცათ ახლოს ენახათ სიმებიანი, ჩასაბერი და დასარტყამი საკრავები, რომელიც ოდითგანვე შეუქმნია ქართველ ხალხს და დღემდე შეუნარჩუნებია, აქვე იყო პირველი ქართული ინსტრუმენტის -„გედის ძვლის სალამურის“ ასლი.

სააღდგომო სამზადისი

22 აპრილს მე-3 ა კლასის პედაგოგმა ნინო ფარსმანიშვილმა ჩაატარა ღია გაკვეთილი მათემატიკაში. გაკვეთილის თემა იყო განვლილი მასალის გამეორება.

ჩვენი სკოლის მოსწავლეთა გუნდმა, 14 აპრილს, მონაწილეობა მიიღო, ეროვნული საგუნდო მუსიკის V რესპუბლიკურ კონკურსში, რომელიც დაფუძნებულია და ორგანიზებული საგუნდო საზოგადოების მიერ. წელს ტარდება მოსწავლე–ახალგაზრდობის V ეროვნული კონკურსი, რომელიც ითვალისწინებს ორ ტურს, თითოეული ტურის მონაწილეთა საშემსრულებლო უნარ–ჩვევებს აფასებს მაღალი კვალიფიკაციისა და პროფესიონალიზმის მქონე კომპეტენტური ჟიური. საინტერესოა ის ფაქტიც, რომ მე–2 ტურში ჟიურის შემადგენლობაში მოწვეულნი არიან ევროპაში ცნობილი საგუნდო მუსიკის პროფესიონალები.

სამშაბათს, 15 აპრილს, ჩვენი სკოლის წარმატებულ მოწავლეს, ნატა პეტრემღვდლიშვილს, სკოლის დირექციამ, მეტად სასიამოვნო და მოულოდნელი სიურპრიზი მოუმზადა.

2019 წლის 22 აპრილს ჩვენი სკოლის პედაგოგმა, ირმა გურგენიძემ, III ბ კლასის მოსწავლეებთან ჩაატარა შემაჯამებელი გაკვეთილი მათემატიკაში, რომლის მიზანი იყო წლის მანძილზე განვლილი მასალის გამეორება, მსჯელობის, ამოცანების ამოხსნის და ანალიზის უნარის განვითარება. გაკვეთილი მოიცავდა მრავალფეროვან აქტივობებს. ბავშვებმა შეასრულეს როგორც ჯგუფური ასევე ინდივიდუალური დავალებები, გამოავლინეს ლოგიკური აზროვნებისა და ურთიერთ თანამშრომლობის უნარი.
საბოლოოდ გაკვეთილმა საიტერესოდ ჩაიარა. ყველა მოსწავლე აქტიურად იყო ჩართული საგაკვეთილო პროცესში.

19 აპრილს, ჩვენი სკოლის II ბ კლასმა (კლასის ხელმძღვანელი - ნინო ჩადუნელი) მოაწყო სასწავლო ვიზიტი საგურამოში, ზედაზენის ქარხანაში. ადგილზე მისულ ბავშვებს დახვდა ქარხნის წარმომადგენელი, რომელმაც გაუწია გიდობა.
მოსწავლეებ გაეცნენ თანამედროვე ტექნოლოგიებს, გაიგეს თუ როგორ მზადდება, ისხმევა და ეტიკეტირდება ყველასათვის საყვარელი ლიმონათები და წვენები.
დაათვალიერეს ქარხანა, სხვადასხვა დანიშნულების ოთახები, გადაიღეს სამახსოვრო ფოტოები და მიიღეს საჩუქრები.