16 მაისს სკოლა „კანდიდის“ 3 გ კლასი (დამრიგებელი - ნინო ხმალაძე) იმყოგებოდა სტუმრად Gino Paradise-ში, სადაც მოსწავლეებს დახვდათ უნიკალური წყლის პარკი, ატრაქციონები, სასრიალოები და დიდი მხიარულება.
ბავშვები, დადებითი ემოციებით აღვსილი დაუბრუნდნენ სკოლას და სურვილი გამოთქვეს ახლო მომავალში კიდევ ეწვიონ Gino Paradise–სს.

6 მაისს 1 გ კლასის ( დამრ. ე. ჯანეზაშვილი) და 2გ კლასის ( დამრ. მ. კახაია) მოსწავლეები დამრიგებლებთან ერთად ეწვივნენ დედაენის ძეგლს. ძეგლი ამავე სახელწოდების პარკში, მტკვრის მარჯვენა სანაპიროზე მდებარე “მშრალ ხიდთან” დგას. მასზე გამოსახულია ცოდნის წყურვილით ზეცისკენ ხელებაპყრობილი ყმაწვილი, რომელიც ეს ესაა ზარს შემოკრავს.

3 მაისს სკოლა "კანდიდის" 4 ა კლასი (დამრიგებელი - ეკატერინე ხმალაძე ) იმყოფებოდა სტუმრად ილია ჭავჭავაძის საგურამოს სახელმწიფო მუზეუმში. ბავშვებმა დაათვალიერეს ცნობილი მწერლისა და საზოგადო მოღვაწის საცხოვრებელი სახლი, ეზო, მწერლის მემორიალური ნივთები, XIX ს-ის ქართული კულტურის წარმომადგენელთა ფოტოპორტრეტები და XIX ს-ის ყოფის ამსახველი ფოტომასალები, კერძოდ: მწერლის ხელნაწერები, მისივე გამოცემული პერიოდიკის ნამუშევრები ("ივერია", "საქართველოს მოამბე" და სხვ).
ბავშვები დიდი ინტერესით ათვალიერებდნენ თითოეულ ნივთს და საბოლოოდ ამ ვიზიტით ყველა კმაყოფილი დარჩა, პატარებს ეს ამაღლებული განწყობა დიდხანს გაყვებათ.

25 აპრილს, ჩვენი სკოლის მე-5 კლასის მოსწავლეები ესტუმრნენ ხალხური სიმღერისა და საკრავების სახელმწიფო მუზეუმს.
ბავშვებმა, ნანახით განამტკიცეს ცოდნა ხალხური საკრავებისა და სიმღერის შესახებ. მათზე დიდი შთაბეჭდილება მოახდინა ვიდეო მასალამ, რომელიც შეეხებოდა საკრავების შექმნის ისტორიას და მათ ჟღერადობას. მოსწავლეებს შესაძლებლობა მიეცათ ახლოს ენახათ სიმებიანი, ჩასაბერი და დასარტყამი საკრავები, რომელიც ოდითგანვე შეუქმნია ქართველ ხალხს და დღემდე შეუნარჩუნებია, აქვე იყო პირველი ქართული ინსტრუმენტის -„გედის ძვლის სალამურის“ ასლი.

ჩვენი სკოლის მოსწავლეთა გუნდმა, 14 აპრილს, მონაწილეობა მიიღო, ეროვნული საგუნდო მუსიკის V რესპუბლიკურ კონკურსში, რომელიც დაფუძნებულია და ორგანიზებული საგუნდო საზოგადოების მიერ. წელს ტარდება მოსწავლე–ახალგაზრდობის V ეროვნული კონკურსი, რომელიც ითვალისწინებს ორ ტურს, თითოეული ტურის მონაწილეთა საშემსრულებლო უნარ–ჩვევებს აფასებს მაღალი კვალიფიკაციისა და პროფესიონალიზმის მქონე კომპეტენტური ჟიური. საინტერესოა ის ფაქტიც, რომ მე–2 ტურში ჟიურის შემადგენლობაში მოწვეულნი არიან ევროპაში ცნობილი საგუნდო მუსიკის პროფესიონალები.

19 აპრილს, ჩვენი სკოლის II ბ კლასმა (კლასის ხელმძღვანელი - ნინო ჩადუნელი) მოაწყო სასწავლო ვიზიტი საგურამოში, ზედაზენის ქარხანაში. ადგილზე მისულ ბავშვებს დახვდა ქარხნის წარმომადგენელი, რომელმაც გაუწია გიდობა.
მოსწავლეებ გაეცნენ თანამედროვე ტექნოლოგიებს, გაიგეს თუ როგორ მზადდება, ისხმევა და ეტიკეტირდება ყველასათვის საყვარელი ლიმონათები და წვენები.
დაათვალიერეს ქარხანა, სხვადასხვა დანიშნულების ოთახები, გადაიღეს სამახსოვრო ფოტოები და მიიღეს საჩუქრები.

19 აპრილს, ამჯერად ჩვენი სკოლის 2 გ კლასის მოსწავლეები (დამრ. მ. კახაია) ეწვივნენ მარილის ოთახს, გაეცნენ გაჯანსაღების, პროფილაქტიკის, მკურნალობის, რეაბილიტაციის უნიკალურ მეთოდს-ჰალოთერაპიას. ეს არის მარილის მშრალი აეროზოლით მკურნალობა, რომელიც გამოიყენება მრავალი დაავადების მკურნალობის დროს. ბავშვებმა თავადაც ჩაიტარეს პროცედურა და გამოთქვეს სურვილი, რომ უახლოეს მომავალში კვლავ ესტუმრონ მარილის ოთახს.

2019 წლის 8 აპრილს სკოლა „კანდიდის“ IX ა კლასის მოსწავლეებმა ბიოლოგიის მასწავლებელთან და კლასის დამრიგებელთან ერთად, ჩაატარეს საგანმანათლებლო და შემეცნებითი ექსკურსია. მოინახულეს კახა ბენდუქიძის კამპუსის მუზეუმი რომელიც აერთიანებს საბუნებისმტეყველო დარგების კოლექციებს: დენდროლოგია, ენტომოლოგია, ნიადაგმცოდნეობა და მინეარლოგია, ზოოლოგია, მეაბრეშუმება, პათანატომია და მიკროორგანიზმები.

15 აპრილს თვალსაწიერის გაფართოების მიზნით. VIII, IX, X, XI ,XII კლასები იმყოფებოდნენ კულტურის ცენტრ „მუზაში“ სპექტაკლზე „დარაბებს მიღმა გაზაფხულია“ მოსწავლეების ემოციით თუ ვიმსჯელებთ სპექტაკლმა მათზე წარუშლელი შთაბეჭდილება დატოვა. ბავშვებმა უნიჭიერესი მსახიობები აპლოდისმენტებით დააჯილდოვეს. თუ გავითვალისწინებთ ეს სპექტაკლი, მეტად საჭირო და მნიშვნელოვანი იყო. აღსანიშნავია ისიც, რომ ჩვენს სკოლაში,ეს პიესა დაიდგა რამოდენიმე წლით ადრე, რასაც საკმაოდ კარგად გაართვეს თავი უფროსკლასელებმა. ახლა უკვე პროფესიონალის თვალით დანახული და გადმოცემული იხილეს დიდ სცენაზე.

2019 წლის 2 აპრილს, სკოლა „კანდიდის“ II ა კლასი გასვლითი ღონისძიებით იმყოფებოდა შპს „ქართული შოკოლადის“ კაფე-მუზეუმში, რომელიც მდებარეობს თავისუფლების მოედანზე, ივანე მაჩაბელის 17 ნომერში.